زبدةالاشعار

کاش اسه بیر وقفه باد عنبر افشان قبریمه #پندیات_مصیبی_تبریزی

«وصیت و آرزوی دیدار یار در شب اول قبر»
.
.
.
محمد علی مصیبی تبریزی
.
.
کاش اسَه بیر وقفه باد عنبرافشان قبریمه
فاطمه اوغلی گله معناده مهمان قبریمه
.
عطرینی آلجاق،ئورکدن سَسلیَم خوش گلمیسن
سیّدی ای تاجدار اهل ایمان قبریمه
.
یا حسین عزّت مدالین سندن آلدیم دهریده
بیر نگاهون، گوندرر الطاف شایان قبریمه
.
گزمیشم هیئت لری عشقونده من ایللر بویی
قیل کرم نور رخون دوشسون یاخیندان قبریمه
.
روسیاهم؛یوز چویورمه مندن ای ناموس دهر
وار نیازیم گل گل ای شاه شهیدان قبریمه
.
چوخ گناهیم واردی واللهی شماره گلموری
خشم حقی ایلیر جاری ، رفیقان قبریمه
.
دلخوشام بوندان کی وار عشقیم علی اولادینا
ایلیللر شام تاری یوم الوان قبریمه
.
رسمیدور قبر اوستونه هر کیم گلر آغلار گلر
گلمَسین آغلار ولی کیم گلسه هر آن قبریمه
.
بوردا من بوللم علی اوغلی بولر الله بولر
ئوز آقامدان گر عنایت اولسا احسان قبریمه
.
گوز یومارسان دهریدن سن ای حقیقت بین ئورک
بیر نگاه عبرت آمیزیله باخسان قبریمه
.
ایندی واردور احتیاجیم حمد و یاسینه فقط
گول گتیرمه گل هدیّه ایله قرآن قبریمه
.
عزّت عقبانی ساتما لذّت دنیایه سن
ایسته سن سودای حشری باخ پریشان قبریمه
.
مال و مکنت قبر ائوینده درده دگمز عارفم
خیر عمل دور چلچراغ پرتو افشان قبریمه
.
عاقبت توپراق چکور آغوشینه بو پیکری
مور و مار ایلر تهاجم صبح و شامان قبریمه
.
سرخوشام بوندان حسین عشقینده وُردیم سینَمه
ال دگنمز سینه مه کیم وئرسه جولان قبریمه
.
سینم اولدی کربلا هجرینده قان پیمانه سی
بهت آلار مأمور حقّی باخسا بیر آن قبریمه
.
سینه مه حک ائتمیشم مولا حسینون آدینی
انتظاریم واردی اولسون عشقی برهان قبریمه
.
بیر«مُصَیِّب» آدلیم؛ یول گوزلرم گل؛ #یاحسین
روز ترحیمیم ده یا شام غریبان قبریمه
.
.
#پندیات_ختم_خوانی
#حسینیه_مدح
#کاش_اسه_بیر_وقفه_باد_عنبر_افشان_قبریمه
#مصیبی_تبریزی #حسینیه_مصیبی_تبریزی
#ترکی
#زبدةالاشعار

متن پیشنهادی:  زبس ویرمیشدیلار جسمینه یاره #حسینیه_دخیل

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی