زبدةالاشعار

کاش اولیدی زادۀ ملجم الی شل یا علی #حیدریه_صافی_تبریزی

شهادت امام علی(ع)
.
.
.
مرحوم صافی تبریزی
.
کاش اولیدی زادۀ ملجم الی شل یا علی
چکدی حق مصحفده ناحق قانی جدول یا علی
.
.
گوئیا مدعوّدون سن بزم قربه میهمان
اول ضیافت خانیه شاباش گوتدون نقد جان
باشوی یوخسا یارالی ایستمشدی میزبان
یوز گوزی قانلی بویورموشدی قوناق گل یا علی
.
.
یا علی سن تک هانی پروانۀ شمع وصال
احتراق وصل ایچون یاندون دایاندون ماه و سال
اول درونی سوزدن عالمده قویدون بیر مثال
اود دوتوب یاندی وُران دامانوه ال یا علی
.
.
بُلمدی بیر کیمسه هرگز قلب آگاهونده کین
ایتمسن محروم فیضوندن سر راهونده کین
قویمادون سن ناامید اولسون کمینگاهونده کین
قاتله ویردون نشان مقتول و مقتل یا علی
.
.
ملجم اوغلی بُلمدیم قتلون نه منظور ایلدی
دین ایوین یخدی دنی دنیانی معمور ایلدی
کافر اولدی حقّی حق چشمونده مستور ایلدی
ثبت اولوندی دفتره اَشقا و اَرذل یا علی
.
.
دولدی قانلا دائماً ایقاظه مستثنی گوزون
یرده یاتماز بیله قان کیم دوتدی وجه الله اوزون
آیت کبرای حقسن اسم اَعظم سن اؤزون
ذکر اولاندا ذکر اولور اعلادن اوّل یا عل
.
.
اوندا کیم محتاجیدی اعضای آدم بیر دمه
محض تشریفوندی حقدن دم یتیشدی آدمه
محیی اموات سنسن ویردون ابن مریمه
ایلدی سندن یتن عیسانی اکمل یا علی
.
.
مُردیه دم بخش لر سندن آلوردی فیض دم
نه روادور سن کیمی موجوده بو بیحد ستم
ابن ملجم قتلوه اقدام ایدوب قویجاق قدم
انبیا باش آچدی مرسل غیر مرسل یا علی
.
.
وُردی بیر ضربت سنه اول کافر غدّار شوم
گلشن پیغمبره واقعده اسدیردی سموم
بیر قصور ایتدی که تجدید اولدی قانون رسوم
واردی بو تقصیره بیر شرح مطوّل یا علی
.
.
.
حشره دین هر گونه ظلم اولسا بو ضربتدور سبب
مجتبی زهر ایچدی جان ویردی حسینون تشنه لب
قان حق قان صاحبی ایلر بونا حقدن طلب
اول زمان که قان آلور الله اعدل یا علی
.
.
.
یا علی سن قربه گیتدون تک یارالی باشیله
گیتمدون باش الده یتمیش بیر نفر یولداشیله
اوچ اوغول قربانی آلتی مهربان قارداشیله
گیتدون اوغلون ایلدی قربی مجلل یاعلی
.
.
.
گرچه اصحابون سنون یکسر جهاندان گیچدیلر
اهلدن ایودن ایشیکدن خانماندان گیچدیلر
سهلدور اوغلون حسین اصحابی جاندان گیچدیلر
باش کسیک شامه گیدردیلر معجّل یا علی
.
.
شبه احمد تک هانی دورونده جان قربان ایدن
یا علی اصغر کیمی پیکان دمین پستان ایدن
یوخدور عبّاسون کیمی فرمانوه اذعان ایدن
باش ویرن کیمدور ابوالفضلوندن افضل یا علی
.
.
نه بُلوب بُلمم او مجلسدن ائدن احساسدن
هم اوزوندن گوتدی ال هم قارداشی عبّاسدن
بیر نچه الدن علاوه دوتدی سایر ناسدن
باش وئرن الده وئرور جانانینه بَل یا علی
.
.
شاه مات اولدی پیاده قالدی حیرتدن وزیر
دوشدی اسبیندن سواران محبت سر بزیر
سن مَآل کاره باخ اولدی قالانلاردا اسیر
زینبه رخ وئردی بیردن بیله معضل یا علی
.
.
دوتدی بیر بیر اللرین میندیردی زینب ناقیه
رام اولوب دینمزدی کشف اولموشدی مطلب ناقیه
زینبی نه نوعیله میندیردی یارب ناقیه
بیر نفر بیمار قالمشدی معطّل یاعلی
.
.
#صافیا سحر آفرین طبعون عجب مؤزون گلور
سوز سوز اوسته نظمیله چون لؤلؤ مکنون گلور
دوت علی دامانینی محشرده بیل مغبون گلور
هر او کس ذکر ائتمسه بو گون مسلسل یا علی
.
.
.
.
#حیدریه_شهادت
#کاش_اولیدی_زادۀ_ملجم_الی_شل_یا_علی
#ترکی #صافی_تبریزی
.
.

متن پیشنهادی:  گینه فُلک خیالیم سیر ائدور بحر خروشانی #عباسیه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی