کجاست تیر غمت را نشانه یازهرا #فاطمیه_شاهی_اردبیلی

نعت حضرت زهرا (س) و حالات ورود به #قتلگاه و …
#فارسی_ترکی
.
✍️ #زبدةالاشعار ✍️
.
🆔: @nohe_torki
.
شاهی اردبیلی
.
کجاست تیر غمت را نشانه یازهرا
که روح خود کنم آنجا روانه یازهرا
.
شنیدم این سخن از کاروان باد که گفت
پس از تو خاک به چشم زمانه یازهرا
.
میان شور و شرار غمت چنان سوزم
که فهم بو نبرد زین میانه یازهرا
.
نبوت از تو نیابت گرفته می دانم
بگویم این که رسولی تو یا نه یازهرا
.
ز طرح و نقشه عالم هدف طلوع تو بود
هدف تو بودی و عالم بهانه یازهرا
.
تو جوهر خردی دیگران جوارح خُرد
تویی حقیقت و باقی فسانه یازهرا
.
چگونه سوخت در و درگهت که زان آتش
هنوز میکشد عالم زبانه یازهرا
.
کرانه از غم و دردت نگیرم ای مظلوم
بگیرم از همه عالم کرانه یازهرا
.
در آستان تو گر جان فدا کنم چه عجب
که روح روید از این آستانه یازهرا
.
سنون یولوندا هانی درد و داغ و رنج و الم
که من آلیم جانیما عاشقانه یازهرا
.
سنون یولوندا هانی دسته دسته زهریلی خار
که من قویوم گوزومه دانه دانه یازهرا
.
سنون شهادتون آلمیش توان اورکلردن
سنون غمون سالوب اود جان جانه یازهرا
.
.
سنون مگر در و دیوارلن نه سرّون وار
که ذكر اولاندا آدون آغلیور در و دیوار
.
.
نه التفاب ائلیوب بیلمورم خدا آدوا
که تشنه دور ائده عالم جانین فدا آدوا
.
دَیَنده صبح یلی گل که خم اولوب دوزه لر
نماز عشق قیلوب ایلر اقتدا آدوا
.
بشر دیلینده ادا اولمیان سخن لردی
او خطبه لر که ائدر برگلر ادا آدوا
.
سنون گلنده آدون یرده شیعه لر نه دئسون
او که جبرئیل دییر گویده مرحبا آدوا
.
ائدردی شرح او مفسّر که مشکل آیه لری
دایاندی عاجز و حیران یتیشدی تا آدوا
.
بیان ائدیب آدوی فخر ائدر نه تک «شاهی»
که مفتخردی آتون ختم الانبیا آدوا
.
ایکی جهاندا یتیشدی مقام والایه
او کس که ملتمس اولدی خدایه یا آدوا
.
.
آدون بصارت غیبی وئروب منیم گوزیمه
منیم گوزیم اولا قربان او توتیا آدوا
.
ساتار وجودینی بیگانه فرض ائدر ئوزینی
او خوش معامله که اولدی آشنا آدوا
.
سنه توسل ائدر مبتلالر ای معصوم
اگرچه روز ازل ثبت اولوب بلا آدوا
.
دریغ قدروی درک ائتمیوب در و دیوار
فوشوب مصیبتی مسمار بی وفا آدرا
.
.
سنون گلنده آدون ای شریف کیف بشر
شهید اولان بالون آغلار جنانه لرزه دوشر
.
.
سنون فضیلتوه شعر راهیاب اولماز
که وزن و قافیه ده بو توان و تاب اولماز
.
سنون آدوندی ائدن قلب اهل قبله نی ناب
که قلب اولماسا خالص عملده ناب اولماز
.
عبادت اهلی اگر اولماسا مرید سنه
خدا خدا دئسه یوز ایل گنه جواب اولماز
.
گنهدی گر آدوا سجده ایلمک، ائدورم
فدا اولوم بو گناهه بئله ثواب اولماز
.
او دین که اولمیا قائل سنون شفاعتوه
او دین مقام قیامتده دین حساب اولماز
.
سنون مخالفون افضلده اولسا اَرذلدی
غراب گویلره شاه اولسادا عقاب اولماز
.
او بدگُهر که سنیلن عداوت ائتدی اونی
فرشته لرده دعا ائتسه مستجاب اولماز

منیم گوزومدن اگر اشک داشلانور نه عجب
اوهانسی داشدی سنون ماتمونده آب اولماز
.
تزلزل ائتدی او دنیا دینده سیلی سنه
عجبده یم که بو دنیا ندن خراب اولماز
.
اگر رها ائده ثانی عناد و انکارین
اونوندا قلبی غمونده اولار كباب، اولماز؟
.
او قطره لر که یاغار ماتمونده گوزلردن
دوتولسا شیشه لره کیم دئیور گلاب اولماز؟
.
سنون او گیزلین اولان قبروون توزین یوزده
گتورسه محشره هر کیم اونا عذاب اولماز
.
.
سنه فدا اولوم ای شاه کربلا آناسی
سنون اورکده غمون تازه دور، اونون یاراسی
.
.
سنون غریب آدوا اهل قبله قرباندی
سنون مقاموه جن و فرشته حیراندی
.
سنون الونده دی برهان فوق ایدیهم
سنون ایاقوه مدح و ثنا دیَن جاندی
.
سنون آدوندی زبان بشرده اوچ دورد حرف
لسان غیبده اما هزار دیواندی
.
سنون نمازوه روح الامین دییر احسن
سنون نیایشوون ارزیابی سبحاندی
.
سنون شرافتوون دفتری اخُ القرآن
سنون نجابتوون فضلی أم الایماندی
.
سنون ائووندی ملک یوز قویوب طواف ائتدی
سنون قاپوندی بشر اود وروب الولاندی
.
سنون بالوندی سنون قلبوون قباله سیدی
که پاره پاره قلیجلار دمینده دوغراندی
.
سنون بالوندی سنون روحوون رساله سیدی
که قطعه قطعه چوخور یرده قانه غلطاندی
.
سنون قیزوندی گلوب داده سسلور ای قوملار
آنامون اوغلونی اینجیتمیون که عُریاندی
.
هایانداسوز گلون ای طوطی لر آچون شهپر
سالون بو پیکره سایه که ایستیدن یاندی

هایانداسوز گلون ای باصفا سرین یل لر
اوپون بونون یاراسیندان که گلدی ریحاندی
.
.
بو گلستانه وئرن سو پیمبرون گوزیدور
نه گل نه باغ نه بستان بو جنتین ئوزیدور
.
.
او نهر کوثر آخان یر مجازی جنتدی
چمندی گلدی ولی سایه حقیقتدی
.
حقیقی جنتی گزسوز باخون بو گوداله
گورون بو یر نه گوزلدی نه با طراوتدی
.
بو یر او یردی که أم القرا دونر باشینا
بو یر خزانۀ الطاف بینهایتدی
.
بو یرده کیم ئوزین ئولدورسه تا ابد دیریلر
مسی طلا ائلین کیمیا بو تربتدی
.
بو یر آلیب ملکِ یوم دینی آغوشه
بو پرده روح الامین نایب الزیارتدی
.
نبی اکرمین عمامه سی بو یرده دوشوب
بو یرده فاطمه نون معجری امانتدی
.
بو یر او یردی که دوقوز فلکدن اعلادی
بو یر او یردی که سگیز بهشته زینتدى
.
علاجی گر اولا زینب بو بردن آل چکمز
نه ایلسون که گرفتار ظلم امّتدی
.
رقیه ده بو یره عاشق اولموش عمّه سی تک
یولون كسوبلر اونوندا دچار وحشتدی
.
هوادن عطرین آلار بینوا بو گودالین
دیور بو عطره فدایم که روحه منتدی
.
او پاره پاره بدن که بو عطری صادر ائدر
قانا بویانسادا باشدان باشا كرامتدی
.
بوجسمه سانجیلان اوخلار اوجوندا فاطمه نون
هوروکلری دولاشوب سایبان حضرتدی
.
نقدری گل اولا زیبا بونا حریف اولماز
ایکی جهاندا بو بیر جسم تک ظریف اولماز
.
دریغ و درد عربلر پوزوبدی شوکتینی
قویوب بوغازینه خنجر آلوبدی طاقتینی
.
دیر بو سلطانا غیب و شهود مدح و ثنا
عناد و جهل، کر و کور ائدوب رعیتینی
.
بو پادشهدی ولیکن نه تاجی وار نه باشی
جزا گونینده گورللر بونون حکومتینی
.
سوکوبدی دشمن ایکی سمئیدن بوتون اورگین
بیری قاباق بیری دال درک ائدون مصیبتینی
.
اگرچه مشتریدور ذات هو بو جسمه ولی
نه بیلسون آتلار ایاقی عیار و قیمتینی
.
او ظلم لر که ائدوب داش بو نازنین بدنه
هم اورتوب هم ایتوروب اوخلارین جنایتینی
.
بونی بو حاله سالان قیزلارین یتیم گورسه
نه ظلم ائدر سوروشون قمچیدن حکایتینی
.
او شاهزاده خانملار او ناز پرورلر
نجه تحمل ائدر، تازیانه ضربتینی
.
او زلفلر که یولوب توکدیلر خانم بالالار
ائدوب همیشه معزا محمد امتینی
.
یالین ایاقلاری ائتدی او خارلر که خراش
دیلیم یانار دیه بیلسم اگر روایتینی
.
سنی قسم وئرورم اول زمانه یا ربی
که گوردی آل على غارتین قیامتینی
.
بساط حشرده من روسیاهه قسمت ائله
او آت دوشونده قاچان قیزلارون شفاعتینی
.
او دست بسته اوشاقلار او سرگشاده بنات
شفاعت ایلمسه بی ثمردی صوم و صلات
.
.
#فاطمیه_مدح #حسینیه_شهادت
#کجاست_تیر_غمت_را_نشانه_یازهرا
#فارسی #ترکی
.
✍️ #زبدةالاشعار ✍️
.
🆔: @nohe_torki