شهادت حضرت امام جعفر صادق علیه السلام
#گریز به #قتلگاه و #کوچ_کربلا
.
✍️ زبدة الاشعار ✍️
.
🆔: @nohe_torki
.
محمدرضا بحری
.
کج گردشینده چرخ او گون که ایدوب شتاب
عیش و صفای اهل ولایت اولوب خراب
.
دنیانی بو فراخیله عشاقه تنگ ایدوب
بالمره ایتدی نقشه آمالی نقش آب
.
اهل وصوله قید وثوقیله گوستریب
راه بلانی شاهره نیل هشت باب
.
سودای عشقیده ایلیوب اهل معرفت
جان نقدینه بلائیله آلامی اکتساب
.
نیلیر بصیرت اهلی بو دنیا زخارفین
خوشدور حقیقت ایلسه حق اهلی انتخاب
.
شان و مقام قرب ده گورموبدی چشم دهر
گورمز نظیر عترت اطهار بوتراب
.
دشت بقیعه دیده ی دل دن نظاره قیل
زواردور او قبرلره هر گون آفتاب
.
چوخ عجز و التماسیله هر نصف شب گلوب
سورتر یوزون او توزلی یره نور ماهتاب
.
ظاهرده چوخ حقیردی هرچند،باطنا
ایلر زیارت ایتماقینا انبیا شتاب
.
موسی او یرده جلوه ی سینانی آختارار
“ارنی” دییر مخاطبتا “لن” گلر جواب
.
عیسی مسیح دردینه اوردان دوا آلار
نوح نبی دعاسی اولار اوردا مستجاب
.
اولموش او آستانه خلیل عجزیله دخیل
تا رفع اولا دلینده اولان شک و ارتیاب
.
گلسه هرآن زیارته خضر نبی ایدر
گوزدن آخان سرشگینی آب بقا حساب
.
درد فراق یوسفی باشدان آتار یقین
بیرآن بقیعی گورمسه یعقوب دلکباب
.
خیل ملک بو درگهه خدام دور ؛ گلر
جنات عدن دن بو مزاره گل و گلاب
.
جبریل شهپریله دوتار سایه بان ، ایدر
فخریله قبر صاحبینه “سیدی” خطاب
.
چون سایه ی رفیعه ی دوت نور پاکیده
سایه نشین دور هامی افلاک و نه قباب
.
رکن رکین دین و دیانت دی لر بولار
تحصیل دین بولاردان ایدر جمله شیخ و شاب
.
شیخ الائمه دور بیری صادق دی شهرتی
نورون ایدویدی شمس و قمر اوندان اکتساب
.
عمرونده چوخ جفایه دوزوب چوخ بلالره
درد و غمه دچاردی بی حد و بی حساب
.
مولا ملبسیدی تقیّه لباسینه
بی حد جفایه صبر ایدوب اول محترم جناب
.
القصه ظلم و جوریله منصور کین شعار
سالدی جهانه فتنه و بلوا و انقلاب
.
ایستوب خیال خامیله نورون خموش ایده
حرم طمع ده سلطنتیندن گورور سراب
.
بیر زهردار خوشه ی انگور اولوب سبب
حال امامه غالب اولوب ضعف و پیچ و تاب
.
سولدی سارالدی صورتی برگ خزان کیمی
گلشن ده گل سولار گوره گر آفت لهاب
.
دوشدی او دم ده صادق دین حال رحلته
حیرتدیم ندن بو جهان اولمادی خراب
.
دوندردی قبله سمتینه یوز کعبه یه مطاف
احرام عشق باغلادی سلطان نه قباب
.
قالوا بلی بلاسینه سلطان انس و جان
قولیله اوندا فعلیله الان ویریب جواب
.
آلدی شمیم وصل نگارین او نغمه دن
ایتدی همان بلا بو شهنشاهی کامیاب
.
هوشه گیدوبدی وصلت یار اشتیاقینه
هوشه گلوب دوباره بیله ایلدی خطاب
.
کیمسه نمازی خوار ایلسه ایلسین یقین
اولماز بیزیم شفاعتیمیزدن نصیب یاب
.
بیرده وداع ایدوب بالاسین یومدی گوزلرین
شب زنده دار صبح ازل ایتدی ناز خواب
.
باغلاندی اوندا جدینه آغلار قالان گوزی
عرش خدایه ایلدی سلطان دین ایاب
.
تغسیلینه امام زمان قیلدی اهتمام
گل جسمینه او دم سو تاپوب فیض اقتراب
.
چون تاپدی عین آیه ی تطهیریله تماس
معناده اخذ ایدوبدی طهارت مطهر آب
.
موسی بن جعفر ایتدی کفن ئوز آتاسینا
توکدی سرشک چشمینی چون دیده ی سحاب
.
مستور ایدوبدی برد یمانیله جسمینی
گویا که سبز مخمله پیچیده دور کتاب
.
جبریل گویده سسلدی گلبانگ الصلاة
قیلدی نماز روح نمازه او غم مآب
.
قرآن عدیلینی قویوب آهسته قبرینه
قویدی او دم ترابه یوزون پور بوتراب
.
قالسین بو سوز بقیعده بیر کربلایه باخ
قلب جهانی داغ مصیبت ایدور کباب
.
جدی حسینه برد یمانی تاپلمادی
بی غسل و بی کفن قالوب اول میر مستطاب
.
اوچ گون قالوبدی یرده حسینون جنازه سی
بی پرده تا زیارت ایده جسمین آفتاب
.
آیینه ی جمال خداییدی منکسر
هر قطعه سینده لیک عیان مالک الرقاب
.
بو کثرتیله ایلدی اثبات وحدتی
ذرات عالمینه سالوب شور انقلاب
.
زینب گیدنده کوفیه گلدی وداع ایده
باش سیز بدن ده گوردی دییب یاره بی حساب
.
سسلندی ای عزیز آنامون نور دیده سی
لایق دییر بو یاتماقیوا بستر تراب
.
قانون یازوب دی توپراقا قاموس عزتی
ایلوب طریق عشقده عشاقه فتح باب
.
قطعه به قطعه جسمون اخا سر حق دور
ذات خدانی گوستری بی ستر و بی حجاب
.
من آغلارام بو درده داغیلمیش جنازه نی
دفن ایلینمدیم گیدیرم دلده اضطراب
.
معذور دوت بو جبریله گتماخدا زینبی
قارداش گواه جبر دی بوینومدا کی طناب
.
«بحری» حسینون عشقینه ویر قلب ده مکان
تنها حسینون عشقی دی عالمده عشق ناب
.
هر دلده اولسا عشق حسین بن فاطمه
روز جزاده ایتمز اونی ذات حق عذاب
.
بیرده خدادن ایسته بو ایل لطفیله ایده
زوار قبر شاه شهیدان سنی حساب
.
#صادقیه_شهادت
#کج_گردشینده_چرخ_او_گون_که_ایدوب_شتاب
#بحری
#ترکی
.
✍️ #زبدةالاشعار ✍️
.
🆔: @nohe_torki
نظر دهید