زبدةالاشعار

کربلاده پرچم توحیدی تا ووردی حسین #حسینیه_غمکش

انقلاب خونین امام حسین(ع)
.
✍️ زبدة الاشعار ✍️
.
🆔: @nohe_torki
.
مرحوم غمکش
.
کربلاده پرچم توحیدی تا ووردی حسین
قُرص و محکم حق سوز اوسته گور نجه دوری حسین
.
باخدی معناده گوروبدی عالمی ظلمت دوتوب
سوء تبلیغاتیله خلقین دلین غفلت دوتوب
.
قویدی حیران عالمی هر بزمده هر عصرده
ئوز خلوص نیتین ویردی نشان بو دهریده
.
ایلدی دعوی لبالمرصاد اوجالسین حشرده
با خبردی چوخ شکیبادی علوم صبرده
.
سینه نه سینه بیلن یوخدی کرم دریاسیدی
بو حسین پیغمبرین روح و دل و احساسیدی
.
آل سفیان ایستدی ئوز فکرینه قورسون حصار
بیلمدی اُول بی حیالرچون حسیندی استوار
.
عشقیده مولادی الله عاشقی عالی شعار
زینبی آینده ظلمون کاخینی تنها یخار
.
پرده ظلمت گلنده کشف اسرار ایلدی
حق سوزی حق منطقی عالمده اظهار ایلدی
.
قارداشین اوغلون قانین ایثار ایدیبدی گور حسین
خلقیله عالی اوگون رفتار ایدیبدی گور حسین
.
مرد میداندی نجه پیکار ایدیبدی گور حسین
دشمنی رسوا ایدیبدی خوار ایدیبدی گور حسین
.
ضرب و شصتیندن قوشون دوشدی هامی پیچ و خمه
گورمسون چوخ حضرت جانان حسینی عالمه
.
یوخدی پرواسی او مولانین شهادت عشقیدی
قوزادی بیر قاره پرچم چون عدالت عشقیدی
.
یوخدی دنیایه اونون میلی قیامت عشقیدی
عاشق رکن نمازیدی عبادت عشقیدی
.
ویردی قربان اکبرین دینه گوره مولا حسین
کیچدی اصغردن اودم سالار عاشورا حسین
.
«غمکشا» دوت دامن شاه شهیدانی ئوزون
قلبیدن چک آه دلسوزون اثر قویسون سوزون
.
عشقی مولادی توکر اشک سرشکین گر گوزون
قوی اونا خاطردی طی اولسون گجیله گوندوزون
.
خانه کفره یاز عالمده که اود ووردی حسین
حق سوزون اوسته اوجالدی صحنه‌ده دوردی حسین
.
.
#ورود_محرم
#حسینیه_مدح
#کربلاده_پرچم_توحیدی_تا_ووردی_حسین
#غمکش
#زمزمه_های_محرم_غمکش
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  سلام اولا او شاهه کی صحن و سراسی وار #رضویه_حضرتی_هاتف

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی