کربلانین دشتینه بیر فاتح عظمی گلیر #اربعین_علی_شهودی

اربعین
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم
.
علی شهودی
.
کربلانین دشتینه بیر فاتح عظمی گلیر
شامی تسخیر ائله یبدیر زینب کبری گلیر
.
.
هر طرفده ن قوزانیر افلاکه واویلا سسی
یا محمد یا رسول الله یا زهرا سسی
امما هر سسده ن حزین دیر زینب علیا سسی
ائله بیل دشت بلایه حضرت زهرا گلیر
.
.
گلدی زینب ایلدی کوی محبتده مقام
وئردی اول بیر اوره گده ن شاه عطشانه سلام
صونراگلدی جوشه اول دریای عزم واهتمام
گوردولر کی گوزلریندن قان نه سیل آسا گلیر
.
.
قیلدی فرمایش بئله اول کنزصندوق حیا
ای جمال انورین مصداق مصباح الهدی
ای نجاتین کشتی سینده یئر دوتان اهل وفا
دور گیلان دیدارووا مین بحر ناپیدا گلیر
.
.
.
ای اولان آرامگاهی رشگ فردوس برین
کیم قازیبدیر قبریوی کیم دفن ائدیبدیر پیکرین
آلتی گوشه قبریوه قربان اولوم ای شاه دین
بار گا هیندان شمیم جنت الماوا گلیر
.
.
قبریوه باخدیقجا گویا قلبیمه الهام اولور
چیرپینان قوش تک تلاطومندن دو شورآرام اولور
کعبه کویندا شاید لایق احرام اولور
بو صفالی تربتینده ن راح رو ح افزا گلیر
.
.
بیر پریشان یئل اسیر گاهدان دیا ر شامده ن
گوئیا ائیلیر حکایت بیر بویوک آلامده ن
بیر گوزی یولدا قالان محنت کش ایامده ن
اولمایا ویرانه ده ن بو آه جانفرسا گلیر
.
.
قافله یوز قویدی سمت علقمه دیلده نوا
وئردیلر گویا خبر وار بیر مزار با صفا
زینبین آز قالدی اولسون روحی جسمینده ن جدا
سسلدی بو قبریده ن عطر خوش سقا گلیر
.
.
.
#اربعین_علی_شهودی
#کربلانین_دشتینه_بیر_فاتح_عظمی_گلیر
#ترکی
.
✍️ #زبدةالاشعار ✍️
.
🆔: @nohe_torki