ورود به کربلا
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4سبک
.
مرحوم کاتب اردبیلی
.
کربلانی شاه دین گلدی منا ائتمکلیگه
کعبه ی عشقی او صحراده بنا ائتمکلیگه
.
.
ایستدی جدى خلیل الله تک سلطان دین
بیر زیارتگه بنا ائتسون الى روز پسین
رشک آپارسون روضه سینه روضه ی خلد برین
مرقد پاکین طواف انبیا ائتمکلیگه
.
.
حضرت عباس تک صاحب لوادن ال چکوب
قاسمیله اکبر یوسف لقادن ال چکوب
ایلیوب قطع علایق ماسوادن ال چکوب
شیعه ی خالص لرین اوددان رها ائتمکلیگه
.
.
چوخ مصیبت چکدی جدی حضرت خاتم کیمی
صبر ائدوب هر محنته اول سرور عالم کیمی
زخم جسمیندن آخوب قان چشمه ی زمزم کیمی
گلشن کرب و بلانی باصفا ائتمکلیگه
.
.
.
عهد قیلمیشدی ازل گون حضرت جانانیلن
دوغرانوب گل پیکری آغشته اولسون قانیلن
نازنین اعضاسی پر آچسون پر پیکانیلن
بو سببدن گلدی اول عهده وفا ائتمکلیگه
.
.
فی سبیل اللهده هم باش وئروب هم اللرین
دشمنه بذل ایلدی انگشتیله انگشترین
قویمادیلار دفن اولا اوچ گون یارالی پیکرین
قالدى باشسیز جسمیله حقه ثنا ائتمکلیگه
.
.
مال جانیندن کئچوب عشّاقه اسمی تاج اولوب
فیضینه دنیا و مافیها اونون محتاج اولوب
کعبه ی کویینه افواج ملک حجاج اولوب
خاکپایین گوزلرینه توتیا ائتمکلیگه
.
.
گرچه ابراهیم آپارمیشدی منایه بیر فدا
آپاروب یتمیش ایکی قربان خلیل کربلا
کئچدی قارداشدان اوغولدان جاندان ای اهل عزا
معنی ذبح عظیمی برملا ائتمکلیگه
.
.
ظهر وقتینده گوروب اول سرور ملک حجاز
دستمازه یوخدی سو قانیندن آلدی دستماز
یاره لی جسمیله قیلدی قوملار اوستونده نماز
دین اسلامی یر اوسته استوار ائتمکلیگه
.
.
تاپشوروب امتلرینه حضرت ختمی مآب
ذبح ائدن وقتینده وئرسونلر هامی قربانه آب
ظلمیلن ئولدوردیلر پیغمبر اوغلین دلکباب
تا یزید ظالمون حکمین روا ائتمکلیگه
.
.
کاتبا الحق سنون حقونده تأییدات وار
ورنه طبعونده هاچان بیر بیله تقریرات وار
یاز نقدری سال و ماه و هفته و ساعات وار
دوت او شاهون دامنین درده دوا ائتمکلیگه
.
.
.
#کربلانی_شاه_دین_گلدی_منا_ائتمکلیگه
#ترکی
.
✍️ #زبدةالاشعار ✍️
.
🆔: @nohe_torki
نظر دهید