کربلا آدی گلنده ، هوش باشیمدان چخار #کربلا_لاادری

آرزوی کربلا
.
✍️ زبدة الاشعار ✍️
.
🆔: @nohe_torki
.
شاعر ؟؟؟
.
کربلا آدی گلنده ، هوش باشیمدان چخار
خون دل جوشه گلور ، بو دیده خونباردن
.
عرش اعلا کربلا توپراقینون مشتاقیدور
آل خبر سرّن حسین قبرین گورن زواردن
.
چوخ گوارا دور فراتین آب خاک آلوده سی
دجلۀ فردوسده جاری اولان انهاردن
.
شأن زوّاری چنین درک ایلر اوهام و عقول
شاهدیم وار دور زیارتده اولان تکراردن
.
قبرینون گردین سیلر گیسوئیله حوریّه لر
سو سپر گوزدن ملکلر لوءلوء شهواردن
.
قبر غمناک ابوالفضلی سالاندا یادیمه
فکریمه بیر سوز گلور سلطان بی سرداردن
.
اوندا کیم یول اوسته گوردی قوللارین سسلندی من
پیکرون بولدوم قالوب نه حاله بو قوللاردن
.
بیدقیم یاتدی ، بلیم سیندی ، سن ئولدون، زینبیم
اولماز آسوده جفای قوم بدکرداردن
.
سن اگر خاک شفا و کربلا مشتاقی سن
من مدینه آدلو شهر باصفا مشتاقیم
.
سن اگر شش گوشه قبر غم فزا مشتاقی سن
من او دورت ویرانه قبر غم فزا مشتاقیم
.
سن اگر گلدستۀ طاق طلا مشتاقی سن
من او بی گلدسته قبر مجتبا مشتاقیم
.
سن اگر قبر قتیل کربلا مشتاقی سن
من مزار مخفی خیر النّسا مشتاقیم
.
قسمتیم اولسا او ایتگین قبرینی تاپسام اگر
آغلارام عرض ایلرم زهرا نوا مشتاقیم
.
سن اگر پائین پادہ قبر اکبر ایستوسن
من مجلّل قبر پاک مصطفا مشتاقیم
.
سن اگر شهزاده اصغر قبرینون مشتاقی سن
منده محسن قبرینی تاپسام خدا مشتاقیم
.
#آرزوی_کربلا
#کربلا_آدی_گلنده_هوش_باشیمدان_چخار
#ترکی
.
✍️ #زبدةالاشعار ✍️
.
🆔: @nohe_torki