زبانحال جسد مقدّس امام بخواهرش در کوچ از کربلا
.
.
#سبک_زینبم_جان_اوستیم … 4 سبک
.
.
مرحوم سعدی زمان
.
.
کربلا ظلمی یتوب اتمامه خوش گلدون باجی
عازم اول باشیم دالنجا شامه خوش گلدون باجی
.
.
پیشنهاد ایتدیم قضایانی ازل گوندن سنه
بو شهادتده شریک اعظم اولدون سن منه
من شهادتله بو صحراده یتیشدیم ایمنه
سنده ویر اوزعهدیوی انجامه خوش گلدون باجی
.
.
ایتمه غم مونس دی بو یولدا غم و شیون سیزه
قورخما جرئت ایلینمز بیر نفر دشمن سیزه
قانلو باشیله بو یولدا پاسبانم من سیزه
سنسن اما دادرس ایتامه خوش گلدون باجی
.
.
عالم ارواحده بو ماجرای جانگداز
حتم اولوب تامذهب اسلام اولسون سرفراز
من اوزوم برنامه می ختم ایتدیم آلدیم امتیاز
قانیله یازدیم سنه برنامه خوشگلدون باجی
.
.
گیتمس شامه قالور حتمی قضایا ناتمام
نامناسب آد قویار اطفالیمه اشرار شام
من کول اوستین سنده زندان گوشه سین ایله مقام
ابن مرجانه یتیشسون کامه خوش گلدون باجی
.
.
اولسا بو یولدا دیار کوفه اول منزلون
قیل بیان شیر خدایه اولسا هر درد دلون
حل ایدرمشگل گشادور شیر یزدان مشگلون
شیر زن سن – محضر ضرغامه خوشگلدون باجی
.
.
عترتیمدن ابن مرجانه آلا داد ایستسه
مجلس عامه سیزی اول کینه بنیاد ایستسه
سیّد سجّادی ئلدورماقه جلّاد ایستسه
وورما سیلی صورت گلفامه خوش گلدون باجی
.
.
من شهادت سرّینی هر یرده اعلان ایلرم
نوری میله دیر ترسانی درخشان ایلرم
راهبی تابع لریله من مسلمان ایلرم
سنده تبلیغات خاص و عامه خوشگلدون باجی
.
.
وار رضای حق سیزی شاماته اعزام ایلرم
من قباقوزجه دوشوب ترویج اسلام ایلرم
سنده اقدام ایله – هر امره من اقدام ایلرم
رونق آرتورماقلیقا اسلامه خوشگلدون باجی
.
.
ایلیوب اخطار جدّیم وار رضای کردگار
اولسون آل اللّهه مسکن مجلس شرب وقمار
خیزرانیله کسوک باشیمده بیر هنگامه وار
سلب ایدر آرامون اول هنگامه خوشگلدون باجی
.
.
گوزلوری ویرانه ده دام الده صیاد ستم
زخم خورده خسته دل گلسون غزالان حرم
بیر سوری آهو کیمی قویما ایده اطفال رم
تک به تک دوت سال اوزون اول دامه خوشگلدون باجی
.
.
گیتمه سن شاهه پوزالۀار نقشۀ آمالیمی
گیزلدولّر شامین اهلی صورت احوالیمی
باشیوه هر یرده یغ باشسیز قالان اطفالیمی
دؤز دایان هر محنت ایّامه خوشگلدون باجی
.
.
ظلمینی باجی یزید عالم لره اعلان ویرر
شامده مسکن سیزه بیر منزل ویران ویرر
آج سوسوز نازلو رقیّم توپراق اوسته جان ویرر
همدم اول اول همدم آلامه خوشگلدون باجی
.
.
آشکارا لطف ایله شاه سنی زهرا آنان
قبروه گلسون بوایل حضّار و «سعدىّ زمان»
ایلسونلر قتلگاهونده بو مصراعی بیان
کربلا ظلمی یتوب اتمامه خوشگلدون باجی
.
.
.
مقدمه این متن «اذان گفتن جسد مقدّس امام در قتگاه»، در هشتک زیر
#گینه_شکسته_گوگل_نی_کیمی_فغان_ویروری
.
#کوچ_کربلا #سعدی_زمان
#کربلا_ظلمی_یتوب_اتمامه_خوش_گلدون_باجی
#ترکی
#کنزالحسینی2 ص 219
#زبدةالاشعار
نظر دهید