زبانحال حضرت زینب (س) در کوچ از قتلگاه
.
✍️ زبدة الاشعار ✍️
?: @nohe_torki
.
مرحوم معزی اردبیلی
.
کربلا گیتدیم حسین شافع محشر قالدی
گون قباقینده دوشوب یاره لی پیکر قالدی
.
بالاسی الده ئولنلرده قطاریمده گئدور
نئچه سیّاره چیخوب سیره کناریمده گئدور
اکبرون خواهری حتّی گلعذاریمده گئدور
گیتدی دفن اولمادی نعش علی اکبر قالدی
.
اسرانون سوسوز اللرده دونن یاری أولوب
عترتون یعنی یامان گونده وفاداری أولوب
فاطمه دلبرینون قولسوز علمداری أولوب
سو کنارینده باتان ماه منور قالدی
.
یاندیرور اصغر آناسی دلِ حور و ملکین
هی چکور داد و امان دائم الیندن فلکین
آپارور اصغرینون یثربه قانلی بلگین
هله لیک قبریده نوباوه سی اصغر قالدی
.
سسلورم دادیمه قزلارین حق لم یزلین
کوفه وشامه گئدور دلده محن تازه گلین
باغلیوبلار سفر اوسته ایپیلن محکم الین
دیل گئدور سنده ولی پیکر دلبر قالدی
.
من مظلومه نون ئولدوردیله قارداشلارینی
ووردیلار نوک جدایه یارالی باشلارینی
الیور عترت خاتم یوزه گوز یاشلارینی
وای حسین وای دئیلوب سینه ده اللر قالدی
.
بوردا قارداشلاریما مجلس ماتم قوررام
اشکیلن گوزلریمون کاسه سینی دولدوررام
شهدا نعشینی مقتلده سنه تاپشوررام
خواهر دیده تری گیتدی برادر قالدی
.
سرپرستم شهدا سرورینون ایللرینه
گوزیاشملان ویرورم سو سارالان گوللرینه
باخمیشام پیکر عریاندا کسوک اللرینه
مستمع شامه گئدور صاحب منبر قالدی
.
گیدورم دشمنون اندامینه من لرزه سالام
قصر خضراده آنام فاطمه مثلنده قالام
چوخ اورکلی دانیشوب قارداشیمون قانین آالام
بیله تا قارداشونون فکرینه خواهر قالدی
.
گئدورم گوشهٔ ویرانه ده دل داغلاماقا
گئدورم بزم عزا دایر ائدوب آغلاماقا
گئدورم شامه رقیه گوزونی باغلاماقا
قیدنده گوررم شامیده دختر قالدی
.
گئدور هرهفته « معزّی » شعرا هیئتینه
شعرا شعری اوخور اشک توکر صورتینه
یوبانور پی آپارور اهل عزا نیتینه
بیلینور کی صورا اشکین توکه نوکر قالدی
.
#کوچ_کربلا
#کربلا_گیتدیم_حسین_شافع_محشر_قالدی
#معزی_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید