مصائب و شهادت حضرت زینب (س)
.
✍️ #زبدةالاشعار ✍️
.
🆔: @nohe_torki
.
مرحوم حاج محمود رهبری تبریزی
.
کرب و بلانی باغ جنان زینب ایلدی
بلبل کیمی گل اوسته فغان زینب ایلدی
.
اسدی خزان یلی گل و گلزار حیدره
گل پرپر اولدی تاب و توان زینب ایلدی
.
زهرا نشانی یخمادی صبرون حصارینی
گوز یاشنی عذاره روان زینب ایلدی
.
یر ویردی بی شمار غمه اودلی سینه ده
هجران غمین اورکده نهان زینب ایلدی
.
کشتیّ بحر غمده اوزون نا خدا ایدوب
طوفان اولاندا سیری روان زینب ایلدی
.
کُفّار شام و کوفیه باش اگمدی خانم
سُفیانیانه حقّی عیان زینب ایلدی
.
هر تیر غم یتنده ایدوب سینه سین سپر
قلب عدونی تیره نشان زینب ایلدی
.
ویردی نشان شجاعتینی دُخت مرتضا
ابن زیاد باغرینی قان زینب ایلدی
.
قانین قویوبدی اوجونا زهرا قیزی او گون
بیر نهضت عظیم زمان زینب ایلدی
.
قارداشلارون سوسوز بویادی قانه اشقیا
دوزدی دایاندی شکوه هاچان زینب ایلدی
.
قتلایه گلدی اللری باشدا دیوم نجه
آه و فغان او قلبی یانان زینب ایلدی
.
عرض ایلدی حسین من ئولیدیم ازلده کاش
توپراقی سپدی باشه فغان زینب ایلدی
.
زهرا قیزی یالاندی ایدوب شمره التماس
رسوا او شومی بلکه هر آن زینب ایلدی
.
بلبل کیمی (رهبریم) ایلرم فغان
کرب و بلانی باغ جنان زینب ایلدی
.
#زینبیه_رهبری_تبریزی
#زینبیه_شهادت
#کرب_و_بلانی_باغ_جنان_زینب_ایلدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید