استمداد حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_علی_جان_بالا_لبیک …
مشابه
.
کریمی مراغه ای
.
کسیلدی ره چاره علمداره حسینیم
علم یاتدی یخیلدیم گل ایت چاره حسینیم
.
.
اولوب غرق وجودیم سراسر قان ایچینده
سنیق کشتیه بنزر قالا طوفان ایچینده
فقط بو اوجا قامت ایتوب پیکان ایچینده
قولوم دوشدی سو مشگیم اولوب پاره حسینیم
.
.
رقیّه سو دمیشدی دیمشدیم گوزوم اوسته
ولی قویمادی دشمن قالام اوز سوزوم اوسته
یخیلدیم یره قولسوز آت اوستن یوزوم اوسته
باتوب قانلی تیکانلار بو رخساره حسینیم
.
.
آلوب دوره می لشکر ایدر هلهله قارداش
یاخیندی دوشه سینمیش باش الدن اله قارداش
یتیش آل دیزون اوسته باشیم دینجله قارداش
وورار هی یارا اوستن قوشون یاره حسینیم
.
.
یخیلماقیمی بولسه سوسوز قزلارون آغلار
باشی قاره لچکلی اوغولسوزلارون آغلار
دوشن قوللاری گورسه آدامسیزلارون آغلار
آتور قان ایکی قولدان چو فوّاره حسینیم
.
.
گل آخر نفسیمدور چیخور قان دوداقیمدان
ایشید بیر نچه کلمه بو عطشان دوداقیمدان
دگوب یاره گوزومدن آخور قان دوداقیمدان
نه وار باخماقا قدرت نه گفتاره حسینیم
.
.
گل ایت مندن عیادت گوزومده یاشا خاطر
باشیم آل دیزون اوسته یاریلمش باشا خاطر
نولار زحمته دوشسن سوسوز قارداشا خاطر
گلوب بیر نظر ایتسن بو بیماره حسینیم
.
.
دیدیم وجهینه مشکین بویوک پول دیسوز آلّام
سویون قیمتی بیر جوت اوزون قول دیسوز آلّام
دیسوز ساق قولی ویرّم اگر صول دیسوز آلّام
قوشون یوخ دیدی من تک خریداره حسینیم
.
.
یاتوب ایلرم افغان ایا باب الحوائج
آدی دردلره درمان ایا باب الحوائج
«کریمی» سنه قربان ایا باب الحوائج
سن ایسته صله ویرسون بو اشعاره حسینیم
.
.
#عباسیه_کریمی_مراغه_ای
#عباسیه_شهادت
#کسیلدی_ره_چاره_علمداره_حسینیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید