زبدةالاشعار

کعبه نی ترک ایلینده حج آخرده رسول #غدیریه_هادی_تبریزی

غدیریه
#گریز به #قتلگاه
.
.
.
.
.
مرحوم هادی تبریزی
.
کعبه نی ترک ایلینده حَجّ آخرده رسول
جبرئیله گوئیا یتدی خدادن بو ندا
.
.
اوز حبیبیمدن ایدم آز قالدی دعوت جبرئیل
آشکاراولسون گرک امر امامت جبرئیل
.
.
خُمده واجبدور بو گون انظار خاصّ و عامده
قوزانا معنای ایمان پنجۀ اسلامیده
ویرمیه بیر کس قدم تا عرصۀ اوهامیده
گرچه بیر عدّه آچالّار باب بدعت جبرئیل
.
.
پنجۀ مهری گورر دنیا میان ماهده
ای جماعت سسلنور ثابت اولون بو راهده
دانسا هر کیمسه علی حقّین دانوب آللهیده
ایتمرم منده اونا بیر ذرّه رحمت جبرئیل
.
.
گیت یتور مندن حضور پاک محبوبه سلام
عرض قیل حکم رسالت قویما قالسون ناتمام
نصب قیل اورنگ دین حقّه بیر عالی امام
باطله تا ایلسون هر لحظه سبقت جبرئیل
.
.
گل رسالتدی، امامت بلبل ِدیوانه سی
شمع پیغمبر، امامتدی اونون پروانه سی
انبیا ساقی، کلام حقّیدی پیمانه سی
مرتضی حُبّی می و میخور جماعت جبرئیل
.
.
نغمه خوان بیر قانلی باش تصنیفیدور اُمّ الکتاب
چنگ زن بیر جفت اَل حَبل خدا تارِ رَباب
بو جهتدن نغمه خوان گاهی دوشر مست و خراب
عرش طاقیندن ایدر جدّی نظارت جبرئیل
.
.
قامتی یرده ایدر بر پا قیامت زینبه
تار اولار دنیا ویرر اوز چوخلی وحشت زینبه
ایلمز بیر کیمسه بیر ذرّه حمایت زینبه
شمر ایدر گودالیده امّا جسارت جبرئیل
.
.
زینب کبرا ایدر شمریله عالی کشمکش
تا گورر قارداشینی مدهوش ایدوب سوز عطش
چشمۀ غمدن روانه ایلر آب سرخ وش
ایلسون قارداشینی سیراب او ساعت جبرئیل
.
.
یوز دوتار افلاکه عرض ایلر ایا ربّ جهان
بو حسیندور سو کنارینده ویروب لب تشنه جان
سرّ انّی جاعلُ فی الارضی ایلوبدی عیان
ویرمیوب قالماقه مبهم چون رضایت جبرئیل
.
.
قانی ثاراللهدی ، رخساری فروغ کبریا
سجدۀ گودالیده ایلوبدی بیر بیع و شرا
مستند دور سودینه یُعتیک ربّک بر ملا
قویمیوب اولسون سر افکنده بو امّت جبرئیل
.
.
آیۀ نوره یازوب معنا یارالی پیکری
گلسِتانیده اولوب غارت ستمله گللری
دوغرانوب اکبر، ایچوب قانین علی اصغری
سینه سینده واردی چوخ تیر شماتت جبرئیل
.
.
غرق اولوب بحر بلاده ذورق دین خدا
غوطه وردی قاندا کشتی خدایه ناخدا
قان ایچینده اوز نمازین تشنه لب ایتدی به پا
قویمیوب اولسون نمازه تا اهانت جبرئیل
.
.
بو حسیندی معنی اصل صراط المستقیم
مخزن اسرار محبوب خداوند حکیم
بو سببدن حیرته دوشدی بو صحراده کلیم
چون گوروب بو یرده گوناگون علامت جبرئیل
.
.
درگهونده «هادیِ» گمره بیر عاصی بنده دور
خدمتی لایق دگول علّت اودی شرمنده دور
بیر «جوانشیر» آدلی وار هر رتبده زیبنده دور
ایلدی بو قطعه ده کسب شرافت جبرئیل
.
.
.
#غدیریه #هادی_تبریزی  #حیدریه
#کعبه_نی_ترک_ایلینده_حج_آخرده_رسول
#اوز_حبیبیمدن_ایدم_آز_قالدی_دعوت_جبرئیل
#ترکی
#زبدةالاشعار

متن پیشنهادی:  عزّت گولی آچوب جان گلدی گل لره #مهدیه_عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی