آرزوی زیارت کربلا
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
رسول بابایی (شاهد زنجانی )
.
کعبیه ناز ایلوری سنده کی تربت کربلا
دعوت ایله شیعه لر ائتسون زیارت کربلا
کربلا آی کربلا – ای دیار پربلا
.
.
سنده دفن اولدی حسین ابن علی روح وقار
قویدی دنیانی تحیرده او مرد کارزار
امربه معروف ائدیب اول زاده ی دُلدُل سوار
سسلدی من ایلرم قرآنه نصرت کربلا
.
.
فرشیدن عرشه چیخوب سنده نواسی زینبون
دیللره دوشدی ئولونجه کربلاسی زینبون
تل زینبدور اولوب دارالشفاسی زینبون
ایلیور عشاق دینه چون طبابت کربلا
.
.
جنته طعنه ورور ایندی دیار نینوا
طوطیای چشمدور جانا غبار کربلا
کربلایه وئردی قیمت مظهر خون خدا
جانینی وئردی حسین تاپدون شرافت کربلا
.
.
شاهکار خلقت خورشید خاور سنده دی
زاده ی ام البنین ماه منور سنده دی
اکبر گلگون قبا طاهایه بنزر سنده دی
اصغرین قانی وئروبدی دینه عزت کربلا
.
.
پرچم دینی اوجاتدی دلبر زهرا حسین
کعبیه عزت وئروبدی سرور بطحا حسین
جدینون آدین دیریلتدی زینت طاها حسین
قالدی باشسیز پیکری سنده امانت کربلا
.
.
خیمه لریاندی حسینین قزلاری گریان اولوب
گویده قوشلار یرده آهولر بیله نالان اولوب
حضرت زین العباده سینه سی سوزان اولوب
سسلدی یاندی چادرلار اولدی غارت کربلا
.
.
یازدیقون اشعاره شاهد دوز قاتار شاه ولا
اهلبیته نوحه دی الله سنه وئرسین جزا
معرفت ئورگن بو درگهدن ئوزون ائتمه جدا
بو ردیفی بیل سنه ائتدی عنایت کربلا
.
#کربلا
#آرزوی_کربلا
#کعبیه_ناز_ایلوری_سنده_کی_تربت_کربلا
#ترکی
.
✍️ #زبدةالاشعار ✍️
.
🆔: @nohe_torki
نظر دهید