در مدح و شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
کربلایی رحیم شایان ارومیه
.
کوثر بی کرانه زهرادی
رحمت جاودانه زهرادی
.
جلوه بی مثال عبدیت
اوج ایدن آسمانه زهرادی
.
آفتاب سپهر عصمت دور
اسوه کل زنانه زهرادی
.
فخر ایدن گول وجودینه الله
احمد ه نازدانه زهرادی
.
سرور حوریان جنت که
یوز قویوب بو جهانه زهرادی
.
موجب آفرینش عالم
خلقته بیر بهانه زهرادی
.
پنج تن اهلینین ایچینده اولان
محور و استوانه زهرادی
.
حق رضاسی اونون رضاسینده
رهنما میز جنانه زهرادی
.
مادر تاجدار اون بیر امام
فخر ایدن انس و جانه زهرادی
.
نام پاکی کلید هر مشکل
آری آری یگانه زهرادی
.
ایلین حیدریله دوققوز ایل
زندگی عاشقانه زهرادی
.
همسر پاکباز شاه ولا
کفو میر زمانه زهرادی
.
بسلین زینبیله کلثومی
غملی بیر داستانه زهرادی
.
قبریده قدری تک نهان قالمیش
بانوی بی نشانه زهرادی
.
عاشق حضرت عدالتیدی
اولین کشته ولایتیدی
.
.
فوت ائدندن آتاسی زهرانون
باشلانوب باش بلاسی زهرانون
.
دؤندولر امت رسول الله
چوخالوب ابتلاسی زهرانون
.
چیخدی یاددان غدیر خم و علی
باشلانوب ماجراسی زهرانون
.
قوردی فوری نهاد شوم و نفاق
دشمن کین اساسی زهرانون
.
خفقاندا هامی ائدوب بیعت
ائتمدی مرتضاسی زهرانون
.
توکولوب اوچ یوزه یاخون نامرد
تار اولوب گوز ضیاسی زهرانون
.
سسلنوب ال چکون عم اوغلومدان
اله گلسون رضاسی زهرانون
.
دئدی ثانی گرک ائده بیعت
شوی درد آشناسی زهرانون
.
یوخسا من بو حریمی یاندیررام
باتا صوت رساسی زهرانون
.
وقفه سیز تیز گتوردیلر هیزم
یاندی اوددا بناسی زهرانون
.
قاپی یاندی قیزاردی مسماری
گور نه ائدوب اشقیاسی زهرانون
.
قاپیا بیر لگد ووروب ثانی
قوزانوب آه و واسی زهرانون
.
توخانوب تا او آتشین مسمار
قان وئریبدی یاراسی زهرانون
.
سسلنوب فضه گل هرایمه تیز
سقط اولوبدور بالاسی زهرانون
.
چکمرم ال دیدی عم اوغلومدان
اونا بو نیمه جان جانیم قربان
.
.
#فاطمیه_شایان_ارومیه
#فاطمیه_شهادت #فاطمیه_مدح
#کوثر_بی_کرانه_زهرادی
#ترکی
.
✍️ #زبدةالاشعار ✍️
.
🆔: @nohe_torki
نظر دهید