زبدةالاشعار

کوفه دن فرمان یتیشدی ابن سعد بی حیایه #صحاف_تبریزی

بسته شدن راه فرات
.
✍️ زبدة الاشعار ✍️

?: @nohe_torki
.
مرحوم صحاف تبریزی
.
کوفه دن فرمان یتیشدی ابن سعد بی حیایه
باغلاسون راه فراتی اهل بیت مصطفایه
.
.
ایلدی ابن زیادین حکمینی سعد اوغلی اجرا
قوۀ مجریه دورت مین اوخ آتان قیلدی مهیا
باغلانوب راه شریعه، قالدی عطشان آل طاها
العطش فریادی یردن اوج ایدوب عرش خدایه
.
.
ایلدی اهل حرمده تشنه لیق بیر نوعی شدت
گل کیمی سولدی سارالدی عترت ختم رسالت
اولدی برپا خیمه لرده شورش روز قیامت
دوندی دشت کربلا بیر عرصۀ روز جزایه
.
.
اللرینده بوش سو جامی یغدیلار خوردا اوشاقالار
شدت سوز عطشدن خشک اولان غنچه دوداقلار
آلدیلار یکسر سکینه دوره سین تشنه قوناقلار
داغلی دللردن اوجالدی ناله لر طاق سمایه
.
.
خیمۀ عباسه بیردن قویدولار یوز دیده گریان
دور سقای حسینی آلدی بیر دسته لب عطشان
عرض ایدوب اول سکینه العطش، یاندیم عمو جان
سو تدارک قیل سوسوزدان قویما چوخ گلسون نوایه
.
.
ایلیوب سقا سنی چون اهل بیته شاه عطشان
خیمه لرده سو تاپولمور، اولدی باغریم قان سوسوزدان
چاره قیل، یاندیم، اماندور ایله سن بو درده درمان
قالمیوب دلده قرار و طاقتیم بو ماجرایه
.
.
اود دوتوب یاندی سوسوزدان عترت ساقی کوثر
غش ایدوب بی کس آناسی اللری اوستونده اصغر
شور محشردور خیمده بیر بیره دگمیش حرملر
قولارون قربانی اولام رحم قیل آل عبایه
.
.
نه روا آب فراتی چوللره دریا تک آخسون
یاندیروب سوز عطشدن عترت طاهانی یاخسون
اللرینده بوش سو جامی تشنه لر حسرتله باخسون
سن نجه راضی اولورسان بو جفای ناروایه
.
.
تیتروری قلب سپاه شام و کوفه صولتوندن
نه روادور استفاده ایتمیاخ بیز قدرتوندن
تشنه لب قالسون اوشاقلار چوخ اوزاقدی همتوندن
قدرت الله اوغلوسان سن، آفتاب حقه سایه
.
.
ایلدی ظلمتده بس که اشقیا طغیان بو چولده
اکبریم الدی لب عطشان قانیله غلطان بو چولده
اولما راضی اصغریمده جان ویره عطشان بو چولده
اود سالا بی کس آناسی سوز دلدن ماسوایه
.
.
قوی فرات اوسته قدم، سال لشکری خوف و هراسه
ایله بیر اتمام حجت فرقۀ حق ناشناسه
تشنه لب قیزلار یانینجا گلمیشم من التماسه
سعی قیل تحصیل آبه رحم ایله بو بی نوایه
.
.
بی سبب آخماز «صحافون» عارضه اشک زلالی
وار عمو قلبینده گیزلین محنت و درد و ملالی
دردینه قیل چاره سنده اولسون آسوده خیالی
ایتمسون غمدن شکایت بارگاه کبریایه
.
#سبک_ای_ویرن_ویرانه_یرده (بیش از 3 سبک در سبک های : استخاره کردم امشب … گلپونه ها … )
.
#فرات
#کوفه_دن_فرمان_یتیشدی_ابن_سعد_بی_حیایه
#صحاف_تبریزی
#ترکی
.
✍️ #زبدةالاشعار ✍️

متن پیشنهادی:  خیام طاهره دن العطش سسی اوجالوب #فرات #محدث_طباطبایی

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی