حالات جناب مسلم (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_حرمینه_ناز_ایدن
مشابه
.
مرحوم کاتب اردبیلی
.
کوفه ده یوز وئروبدی غم بسکه جناب مسلمه
آزدی گر آغلیاخ اِلی یوم حساب مسلمه
دیده پرآب مسلمه قلبی کباب مسلمه
.
.
گوردی آلوبلا دوره سین لشکر کوفه صف بصف
چارطرفدن اوخلارا جسمین ائدوبدولر هدف
چکدی بیر آه سینه دن باخدی مدینیه طرف
عرض ایلدی عم اوغلی باخ حال خراب مسلمه
.
.
بعضیسی داش آتاردیلار بعضیلری خدنگ کین
بعضیسی ایلیردیلر قتلینه اول شهون کمین
بامدن اود توکردیلر باشینه فرقۀ لعین
عرصه نی تنگ قیلدیلار قوم عذاب مسلمه
.
.
غربت اثر قیلوب اونا گلدی فغان و شیونه
اشکیله دولدوروب گوزین ائتدی خطاب دشمنه
تشنه ام ای گروه کین جرعه ای سو وئرون منه
اولمادی بیرجه سو وئرن بھر ثواب مسلمه
.
.
شیر کیمی غضب لنوب حمله ور اولدی لشکره
مور ملخ کیمی ویروب قوم عدونی بیربیره
کوفه دن الحذر سسی ایلدی اوج گوگلره
کیمسه دایانمادی وئره بیرجه جواب مسلمه
.
.
طوعه گوروبدی دولدوروب کوفه نی بانگ های هو
کوچه ده بیر غریب وار دوره سینی آلوب عدو
ایستدی تا او بینوا وئرسون او بی پناهه سو
قویمادیلار نصیب اولا قلبی کباب مسلمه
.
.
ائتدی خطاب طوعیه وار سنه بیر سؤزوم آنا
ئولدوره جکدولر منی من بیلورم اوزوم آنا
قویسالا ممکن اولسا گل باغلاگلن گوزوم آنا
ایله قبول زحمت ای کان حجاب مسلمه
.
.
کوفه آرا کومکسیزم یوخدی یانیمدا یاوریم
آز قالوب ای آنا اولا زیب قناره پیکریم
حیف منی بو حالیله گورمدیلر کومکلریم
جور زمانه قویمیوب طاقت تاب مسلمه
.
.
#کوفه_ده_یوز_وئروبدی_غم_بسکه_جناب_مسلمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید