حالات حضرت علی(ع) روز نوزدهم رمضان
.
.
حاج اسماعیل زرین
.
.
کوفه شهرینده بوگون بیر محشر اولدی آشکار
ظلمیله قانه بویاندی حجت پروردگار
.
.
چیخمییدی بو گونون صبحنده ایکاش آفتاب
لیل تارایچره قالیدی عالم اهلی شیخ وشاب
صبحدم یا که گوریدوخ کون و امکانی خراب
دشمنه فرصت و یا که ویرمییدی روزگار
.
.
دین اسلامه بوگون یتدی بیوک بیر ضایعه
دلده یارا یوخ دیم یوز ویردی نه بیر واقعه
شرح قیلسام ماتمه مطلق باتار بوجامعه
سامعیندن سلب اولار تاب و توان واختیار
.
.
شاه مردان شیر یزدان حجت پروردگار
دلده حبّ الله بیت اللهه اولدی رهسپار
وارد محراب اولوبدور باشدا شور وصل یار
محضر جاناندا دوردی باخضوع و باوقار
.
.
کسدی کثرتدن تمام فکرینی میرحجاز
عالم وحدتده معبودیله قیلدی کشف راز
باشلادی اول دمده اخلاص تمامیله نماز
نه نماز اهل نمازه هرزماندا افتخار
.
.
صوت تكبیری وئرردی کون و امكانه تکان
ذلّت تامیله دلده ذکر حىّ لامكان
عشق مولایه قالوب حیران تمام قدسیان
قویمادی نقصان عبودیّتده شاه تاجدار
.
.
بزم خلوت عاشق و معشوق چون ائتمشدی ساز
عاشق جانباز معشوقه ائدردی کشف راز
بیر بیله عالمده ناگه بیراسیرحرص و آز
یاری یاریندن آیرسون قصدائدوب اول نابکار
.
.
فکرینی آلمیشدی چون بیر بیحیای بدمرام
ابن ملجم اوز اوزون ویرمیشدی الدن بالتّمام
باخمادی جانان حضورینده شه والا مقام
باش قویوبدور سجدیه دلده كلام کردکار
.
.
سجده دن باش قوزیان دمده امیرالاتقیا
قوّت تامیله اندیردی قلیج وا ذلّتا
مرتضانی قانه غلطان ائتدی اشق الأشقیا
بیرخبیثه عورته تولاندی اول بی شرم وعار
.
.
حکم شیطانیله نفس شومه چون اولدی اسیر
بیرخیانت ائتدی اسلامه دگل جبران پذیر
بوعملده جمله طفلان دیانت اولدی پیر
پُر اسف بیر ضایعه عالمده اولدی آشکار
.
.
بوخیانتدن اساس دین اولوندی منهدم
رهبرحق اولدی مقتول لشكردین منهزم
اولماز استقلال حق تا گلمینجه منتقم
پرچم ظلم و ستم دنیاده اولدی پایدار
.
.
بوخیانتدن اساس عدل اولوندی پایمال
جرئته گلدی فساد و ظلمده قوم ضلال
بوخیانتدن یتوب مؤمنلره بیحد ملال
آغلادی گوزلر توکوب گوزیاشی چون ابر بهار
.
.
بو خیانتدن هامی ظلم اهلی یتدی مقصده
دشمنان دین سروریله اوتوردی مسنده
گون بگون دنیاده آرتدی جوروظلم ومفسده
حقّیده الحاد ائدنلر اولدی صاحب اختیار
.
.
بوخیانت باغلادی باب علوم و حکمتی
جادۀ اسلامیدن سالدی کناره امّتی
خلق ایچنده محو قیلدی حرمت حریّتی
باغلادی قید جفا و جوره خلقی استوار
.
.
بولمورم اولموب ندن بوعالم امکان خراب
قالمیوب سیر و طلوعتدن ندندور آفتاب
وجه وجه الله او ساعت که اولوب قاندان خضاب
عالم اسلامیده گورسندی حال انكسار
.
.
بولدى فرقین شاه دینون چونکه تیغ زهردار
آخدی قانی دوشدی طاقتدن ولیّ کردگار
گلدی یر گوی لرزیه بیر عالم اولدی تیره تار
آز قالوب یرگوی اودم بالمره اولسون تارمار
.
.
رهبر صادق امیرحق وصی مصطفی
ظلمیله باشدان قیلیجلاندی شه ملک ولا
جبرئیل گویده دیوب قتل العلی المرتضی
بو سسیله دولدی یر گوی بولدورلر خردوكبار
.
.
سسلدی والله ویران اولدی ارکان هدا
یر یوزونده محو و نابود اولدی اعلام اتقا
ظلمیله قانه بویاندی سجده ده شیرخدا
صالح و ناصح امام قان ایچره دوشدی زخمدار
.
.
ماتمه بوغمده باتدی ماسوالله برملا
خلد اعلاده اولوب محزون ختم الانبیا
ضجّه و فریاده گلدی اهلبیت مرتضی
قتل شاهه گویده جبرئیل امین چون چکدی جار
.
.
بوخبردن کوفه اهلی بیربیره دگدی تمام
کوفه شهرینده قیامت گوئیا ائتدی قیام
یوز قویوبلار مسجده محزون مکدّر تلخکام
دللرینده وا اماما دیده گریان اشکبار
.
.
مسجده سالدی اوزون فورأ حسینیله حسن
ضعفله قان ایچره دوشموش گوردولر شاه زمن
آز قالور دنیانی ترک ائتسون شه خیبر شکن
گه گیدور هوشه آچور گه گوزلرین ائیلورنظار
.
.
ائیله آغلوردی بوغمده نوگلان بوتراب
عرض ائدردیلر بابا ایکاش اولا دنیاخراب
آچ گوزون گور بیر نجه وئرمور امان بو اشکناب
بیزدن آیریلماز داخی بوندان صورا بو آه و زار
.
.
گوزلرون قربانیوخ قانلی گوزون آچ بیر زمان
قاتلون نولدی هارا گئتدی بیزه ائیله بیان
گوزلرین آچدی اوساعتده امام انس وجان
ائتدی فرمایش گلر ایمدی گرفتار و فگار
.
.
گئچمدی بیر آز زمان حضّار گوردی ناگهان
سس اوجالدی ازدحامیله گلور پیر وجوان
قاتل منفوری مغلول و مقیّد بی امان
جلب ائدوبلر اهل کوفه الده تیغ آبدار
.
.
بعضی سی دیشلیر دُؤیؤر بعضی سی سویلور ناسزا
بعضی چشم اشکباریله دیور ای بی حیا
هانسی بیرظلمی سنه ائتمیشدی آیا مرتضا
بو خطایه مرتكب اولدون ندن ای کین شعار
.
.
مرتضا دور بو ابوالایتامیدور کان سخا
قائد اعظمدی کل مسلمینه پیشوا
جود و احسانی سنه دائم یتوب ای بی حیا
مسلمینی ائیلدون بوغمده ظالم داغدار
.
.
یاعلی ای شهریار ملک اقلیم ولا
جان عالم خاک پای پاکوه اولسون فدا
نازنین باشیوه ویردی یاره بیرخصم خدا
مین لریله خلق جلب ایتماقدا ائیلور پافشار
.
.
یاعلی ایکاش اولیدون کوفۀ ویرانه ده
تاگوریدون وارنه هنگامه بو ویران خانه ده
اوندا که قدرت واریدی زادۀ مرجانه ده
بیرجنایت ائیلدی هرگز یوخیدی انتظار
.
.
حکم ائدوب اوغلون حسینی ئولدوروبلر كوفیان
دفن اولا گل پیکری بی شرم لر وئرموب امان
قالدی جسمی گون ایوینده نچه گون بی سایبان
نازنین باشین کسوب نوک جدایه ووردولار
.
.
دین لرین دنیادن اوتری بی حیالر ساتدیلار
محترم باشین جداده وجدیله اویناتدیلار
اهل بیت بی پناهین روز وشب آغلاتدیلار
گورنه کج رفتار ائدوب دورینده چرخ کجمدار
.
.
کوفه اوضاسین داخی شرح ائتمه زرین دل یانار
محنت مولاده بسدور که گوگل لر اودلانار
بوغم عظمانی هاردا شیعه لر آسان سانار
سجده ده قانه بویاندی حجت پروردگار
.
.
#حیدریه #اسماعیل_زرین
#حیدریه_شهادت
#کوفه_شهرینده_بو_گون_بیر_محشر_اولدی_آشکار
#ترکی
#زبدةالاشعار
نظر دهید