زبدةالاشعار

کوفه شهرینده قیام ایتدی قیامت بو گیجه #حیدریه_احمدی_جوان

شهادت حضرت علی (ع)
.
✍️ #زبدةالاشعار ✍️
.
🆔: @nohe_torki
.
حاج احمد احمدی جوان
.
کوفه شهرینده قیام ایتدی قیامت بو گیجه
سس دوشوب جان ویروری شاه ولایت بو گیجه
.
.
ای گوزوم كوفه ده برپا اولونان محشره باخ
بستر مرگده باشدان یارالی حیدره باخ
سارالان گل کیمی بیر عترت پیغمبره باخ
نه قالوب صبر اورکلرده نه طاقت بو گیجه
.
.
روح طاعت باشینی سجده ایچون ایلدی خم
قوزانان وقته انوب باشینه شمشیر ستم
آی کیمی باش بولونوب نظم جهان اولدی بهم
سجده ده قانه باتوب روح عبادت بو گیجه
.
.
سسلنوب گوینده ملکلر یره مولا یخلوب
روح طاعت یخلوب دست توانا یخلوب
تپراقا شیر خدا آیت کبری یخلوب
تپراقا دوشدی علی ئولدی عدالت بو گیجه
.
.
تاپدی شیر حقه روبه صفتان ظلمیله ال
مرتضایه ایله ظلم ایلدیلر قوم دغل
آغلادی زهره بو ماتمده وروب باشه زحل
آغلوری باشه ورور ختم رسالت بو گیجه
.
.
مرتضی روحی چیخوب گویلره پرواز ایلدی
روحه باخ روحه که ارواحی سرافراز ایلدی
قدسیان روح علینی نجه پیشواز ایلدی
مرتضایه قورولوب بزم ضیافت بو گیجه
.
.
آیۀ فضلی بوگون ظلمیله بیر رذل ئولدوروب
ابن ملجم سجده ده آئینۀ فضل ئولدوروب
ظلم الی فرصت تاپوبدور جوهر عدل ئولدوروب
لرزه دوتدی تیتردی رکن دیانت بو گیجه
.
.

متن پیشنهادی:  مسکندی منه گوشه ویرانه ای عمه #حضرت_رقیه_پریزاد

.
.
#حیدریه_احمدی_جوان
#حیدریه_شهادت
#کوفه_شهرینده_قیام_ایتدی_قیامت_بو_گیجه
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی