کوفیان سو یولونی باغلادیلار #فرات #معروف_اهری

فرات
.
✍️ #زبدةالاشعار ✍️
.
🆔: @nohe_torki
.
#سبک_اویان_ای_یار_وفاداریم_اویان #سبک_کوفیان_گور_نجه_یاندردی_منی #سبک_کربلا_قبله_عشقیمدی_منیم
.
معروف اهری
.
کوفیان سو یولونی باغلادیلار
دل اهل حرمی داغلادیلار
قدغن اولدی سو اهل حرمه
ایش قالیب صاحب مشک و علمه
.
.
کسدیلر آب حیاتین یولونی
کوثر شور و نشاطین یولونی
دشمنین لشگری سد ایلدیلر
خیمیه نهر فراتین یولونی
قدغن اولدی سو اهل حرمه
ایش قالیب صاحب مشک و علمه
.
.
سو آخوب چوللره داغلار دئدیوای
گلشن عترته باغلار دئدی وای
قوریان مشکه باخوب حسرتیلن
خیمه ده تشنه دوداقلار دئدی وای
قدغن اولدی سو اهل حرمه
ایش قالیب صاحب مشک و علمه
.
.
اشقیا ظلم مدام ایلدیلر
علقمی عترته دام ایلدیلر
فاطمه اوغلونا اشرار زمان
مهر زهرانی حرام ایلدیلر
قدغن اولدی سو اهل حرمه
ایش قالیب صاحب مشک و علمه
.
.
محنت و غم بولودی گویده شاخور
نهر علقمده سو صحرایه آخور
الده سو جامی سوسوزلار دایانوب
گوزلری مشک ابالفضله باخور
قدغن اولدی سو اهل حرمه
ایش قالیب صاحب مشک و علمه
.
.
راه چاره حرمه کسدی عدو
تشنه لر خیمه ده سسلندی عمو
عمو رحم ایله ربابین گولونه
بیر ایچیم اصغره احسان ایله سو
قدغن اولدی سو اهل حرمه
ایش قالیب صاحب مشک و علمه
.
.
کربلاده بو گئجه محشر اولوب
بانگ یا فاطمه صحرایه دولوب
اسدی محنت یئلی حیدر باغینا
فاطمه گللری ظلمیله سولوب
قدغن اولدی سو اهل حرمه
ایش قالیب صاحب مشک و علمه
.
.
.
#فرات #معروف_اهری
#کوفیان_سو_یولونی_باغلادیلار
#ترکی
.
✍️ #زبدةالاشعار ✍️
.
🆔: @nohe_torki