زبدةالاشعار

کون ومکاندا فاطمه دور خیرةالنساء #فاطمیه_عاصم_زنجانی

میلادیه حضرت زهرا (س)
.
.
.
مرحوم محمد امیدی ( #عاصم_زنجانی )
.
.
کون ومکاندا فاطمه دور خیرةالنّساء
کلّ زماندا فاطمه دور خیرةالنّساء
جمله جهاندا فاطمه دور خیرةالنّساء
سگّیز جناندا فاطمه دور خی خیرةالنّساء
غبطه مقام و رتبه سینه ایلر انبیا
ایلَلَّه آرزو درجاتینی اولیا
.
.
شهر جماد ثانیه نون یرمی سینده کون
حقیّله باطلون آراسیندا سالوبدی بون
یعنی قدوم فاطمیه حق اولوبدی عون
ویردی تراب تیریه بیر روشنائی لون
سگّیز بهشته رشک اولوب توده ی تراب
یدّی جهیمه مقدَم زهرا سپوپدی آب
.
.
خلّاقه ی فضیلت و عصمتدی فاطمه
دارنده ی تمامی عفّتدی فاطمه
دریای فهم و دانش و حکمتدی فاطمه
شه بانوی اریکه ی عزّتدی فاطمه
محبوبه ی خدا و پیمبردی بو خانم
هم همسر شریفه ی حیدردی بو خانم
.
.
امّ الائمه کیمدی به غیر از خانم بتول
اون بیر حجج آناسی اوزی دختر رسول
درک نجابتنده قالوب عجزده عقول
فیضیندن آفتابیدی بیر رحشه السیول
کوه حیا و شرم ووقار وسکینه دور
هر خوش صفتّده بی بدل و بی قرینه دور
.
.
پیغمیریکه جمله جهاتی شریفدی
زهرا عبادتنده اونونیلان ردیفدی
هر کس گمان ایده که بو بانو ضعیفدی
یا قوّه سی بدنده یوخیدی نحیفدی
ایتمش غلط گمان عدم اطلاعدن
فکرینده اندیروب قمری ارتفاعدن
.
.
نفس قویّه سی بیله پاک و طهوردی
آیات نوره هیکلی مشکات نوردی
نیک و بد حیاتده دایم شکوردی
هر امرده ولیسی خدای غفوردی
افطارین اوچ گجه ایلدی بذل باخصاص
تا هل اتاده مشترکاً تاپدی اختصاص
.
.
هر بیر صفتده وارثه دورچون پیمبره
تسلیم صرفدی هامی فرمان حیدره
بیر مخلصه کنیز اولوب حیّ داوره
عند الله اولدی طیّبه و هم مطهره
تحکیم ایدوب خلوصی عبادات پایه سین
تاشامل ایتدی حالنه تطهیر آیه سین
.
.
تقوا و خوف و خشیتی وصفه گلن دگل
حال خشوع و وحشتی وصفه گلن دگل
دشمن گوزونده هیبتی وصفه گلن دگل
نطقیله دینه خدمتی وصفه گلن دگل
بسدور شهامتینده عدونون تخضّعی
بسدور کرامتینده رسولون تواضعی
.
.
چون متّصلدی قوّه ی قلبی خداسینه
باخمازدی نفسنون ابدا اقتضاسینه
علت اودور که غالب اولوب مدّعاسینه
سالدی رضای حقی قباق اوز رضاسینه
معصومه اولدی وردی قدم شاه راهده
تاپدی مقام ارفعی قرب الاهده
.
.
زهرا متانتینده هانی بیر نفر کیشی
تا بنزیه نبی و ولیّه تمام ایشی
الله گورن کیمی گوره اکواندا گردشی
هیچ اولمیا یانندا جهانون بیر ارزشی
آتمشدی بو گذر گهون اموال و جاهنی
پیوسته آختاروردی رضای الاهنی
.
.
کلیه ی نِساء بشر مریم اولسا گر
کلّی سینون مناعتی مستحکم اولساگر
اول منعلر بیری بیرینه مدغم اولساگر
مین اول قدرده اونلاریلان باهم اولساگر
یتمز یقین مناعت زهرایه جمله سی
شخصیت بتوله دی چون سایه جمله سی
.
.
بیر گون رسول منزلینه ایلدی ورود
ایتدی سلام فاطمیه بس دیوب درود
خواهش ایدوب غذای مناسب پس از قعود
روح بتول ایتدی خدایه طرف صعود
مسترزق اولدی مائده گلدی بهشتدن
مشعوف اولوب دل نبی اول حق سرشتدن
.
.
آز عمرده نه چوخلی کرامات گوستروب
ملکوتیدن عجیبه علامات گوستروب
نچه یتن اجابته دعوات گوستروب
جن و ملکدن علم سماوات گوستروب
شک ایلمز کرامت زهرایه اهل دین
عارفدی چونکه حقنه بالقطع والیقین
.
.
بو بانوی معظمه نی مدح ایدوبدی حق
عاجزدی شرح و وصف کمالنده ما خَلَق
کوی مبارکنده دی “عاصم” بسان بق
بونلان بله نجه بومگسده اولور نطق
تامدحت ملیکه ی کؤنی ایده بیان
ایتسه بیان یقین ایدر اوز نقضینی عیان
.
.
#فاطمیه_میلادیه
#کون_و_مکاندا_فاطمه_دور_خیرةالنساء
#ترکی
.
.

متن پیشنهادی:  اوغلون حسین بو گونده عطشاندی یا محمد #عاشورا_هادی_سلطانمحمدی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی