زبدةالاشعار

کِلک آتشبار وار تا زُبدَﺓُالاَشعار وار #مصیبی_تبریزی

«تا زُبدَﺓُالاشعار وار»
.
✍️ زبدة الاشعار ✍️
?: @nohe_torki
.
مصیبی تبریزی
.
کِلک آتشبار وار تا زُبدﺓُالاشعار وار
گرمیِ بازار وار تا زُبدﺓُالاشعار وار
آتشین گفتار وار تا زُبدﺓُالاشعار وار
شعر گوهربار وار تا زُبدﺓُالاشعار وار
زبده بیر اشعار وار تا زُبدﺓُالاشعار وار
.
هرسخن ناب اولسامنظوم اولسا قطعاً زبده دی
بطنی پرمعنا و مفهوم اولسا قطعاً زبده دی
حرف باطل،اونلا محکوم اولسا قطعاً زبده دی
معنوی اذکار وار تا زُبدﺓُالاشعار وار
زبده بیراشعار وار تا زُبدﺓُالاشعار وار
.
محفل اجماع اهل دل بو بزم ساده دی
گلسون هرکس؛بی ریادی،خالص وافتاده دی
وارداولسون بیله بزمه کیمسه کی دلداده دی
شور وار انذار وار تا زُبدﺓُالاشعار وار
زبده بیراشعار وار تا زُبدﺓُالاشعار وار
.
اولسا بااخلاص شاعر ، شهرته اگمز باشین
نوحه خوان اولسا صفالی دولته اگمز باشین
غیرتین ساتماز پولا بی غیرته اگمز باشین
غیرت سرشار وار تا زُبدﺓُالاشعار وار
زبده بیراشعار وار تا زُبدﺓُالاشعار وار
.
قدرت اشعارینه شاعر کی ائتمز افتخار
سوز یازان بلکه سلیمُ النَّفس و باتقوا اولار
ورنه قدرتده، یزیدین شعرینه کیمسه چاتار؟
هاردا گول وار خار وار تا زُبدﺓُالاشعار وار
زبده بیراشعار وار تا زُبدﺓُالاشعار وار
.
کربلاده دوزدی حتی شمر ملعون آغلادی
قالدی اما تک حسین و زینب وعبّاس آدی
پول وعنوان آختارانلاردان کی بیر آد قالمادی
عزّت و ایثار وار تا زُبدَﺓُالاشعار وار
زبده بیراشعار وار تا زُبدَﺓُالاشعار وار
.
کلک غیرت صاحبی اجباره اگمز باشینی
باش وئرر یاره ولی اغیاره اگمز باشینی
پول و آد و خلعت زرتاره اگمز باشینی
لذّت گفتار وار تا زُبدﺓُالاشعار وار
زبده بیراشعار وار تا زُبدﺓُالاشعار وار
.
دوز حسینچی ارذل و ادنایه یالوارماز بیلون
قالسا بُرج آلتیندا دا اعدایه یالوارماز بیلون
ئولسه حتی،دشمن زهرایه یالوارماز بیلون
لوح زرّین تار وار تا زُبدﺓُالاشعار وار
زبده بیراشعار وار تا زُبدﺓُالاشعار وار
.
#شاعر اخلاصیله سٶز یازسا ئولر؟ ئولمز بیلون
گر ریاکاراولسا محشرده گولر؟ گولمز بیلون
سیّئاتین جان وئرنده ،حق سیلر؟ سیلمز بیلون
حکمت پربار وار تا زُبدﺓُالاشعار وار
زبده بیراشعار وار تا زُبدﺓُالاشعار وار
.
قبر ائویندن خالص عاشق ناگران ئولمز بیلون
جان وئرنده بی قرار و باغریقان ئولمز بیلون
باشی اوسته گلمسه صاحب زمان، ئولمز بیلون
بزم شکّربار وار تا زُبدﺓُالاشعار وار
زبده بیراشعار وار تا زُبدﺓُالاشعار وار
.
دوز حسینچی تا ابد خالص قالار بو بابیده
عکس تزویر و ریا سالماز بو زرّین قابیده
ئوز جیبیندن خَشلیَر پول، ماتم اربابیده
جلوۀ دلدار وار تا زُبدﺓُالاشعار وار
زبده بیر اشعار وار تا زُبدﺓُالاشعار وار
.
شاعرین امّاره نفسی گر حقیر و رام اولا
شبهه سیز لُقمه حلال حق اونا اطعام اولا
وار یئری عطر شرف شعریندن استشمام اولا
معنوی افکار وار تا زُبدﺓُالاشعار وار
زبده بیراشعار وار تا زُبدﺓُالاشعار وار
.
الغرض؛گلسون بو بزمه ابتلانین عاشقی
اهل بیت عصمتین ، آل عبانین عاشقی
گلمه سین بغض و ریا و ادّعانین عاشقی
چرخ کج رفتار وار تا زُبدﺓُالاشعار وار
زبده بیراشعار وار تا زُبدﺓُالاشعار وار
.
ای «مُصَیّب» سوزِ عشقی حفظ ائله گفتاریده
وجده گلسون تا «ببیرپور» ساحت انظاریده
سعی ائله “عطر” ولایت “حفظ” اولا اشعاریده
“حافظ” و”عطار” وار تا زُبدﺓُالاشعار وار
زبده بیر اشعار وار تا زُبدﺓُالاشعار وار
.
#زبدةالاشعار_در_کلام_شعرا
#کلک_آتشبار_وار_تا_زبدﺓالاشعار_وار
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki

متن پیشنهادی:  شکر اولا کردگار زهرایه #فاطمیه_واصف_مرندی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی