ورود ماه محرم
شهادت حضرت ابوالفضل (ع)
.
✍️ #زبدةالاشعار ✍️
🆔: @nohe_torki
.
سید باقر سادات پور (سیدی زنجانی)
.
کیم ابوالفضل عشقینه دنیا بویی پرچم ویرا
کیم اُلونجه عشق عباسِ علیدن دم ویرا
کیم آقامین عشقینه قربان کَسوب احسان وئره
سانما سن بیر ایش گوروبدی،عالمی برهم ویرا
شأن عباسه بولار بیر ذره دی زهرا جانی
عُمرِ دنیا قطره دی عباسی سن دریا تانی
.
.
هانسی وصفیندن دئیم ایمانینی، طوفانینی
گر قیاسه من چِکَم دریای غیرت کانینی
تحسین اِیلَر شیعه و سُنّی هامی اجلالیلن
عشقی حیرتده قویوبدی کربلا سلطانینی
زاده ی زهرا اوپوبدور اول اوزون قوللارینی
اوپدولر، سجاد و باقـر کربلا سردارینی
.
.
جنگ و میداندا علیدی عبدِ، اللهُ صمد
جنگی به همتادی همتا، قل هو واللهُ احد
غیرت و قامت علیدی هم شجاعت مرحبا
آل مدد عباسیدن سن سسله یاحیدر مدد
اذن جنگ اولسا چِکَر تصویره حیدر جنگینی
دشمنین یردن پوزار گردان و تیپ و هنگینی
.
.
کیمدی عباسِ علی عالم اونا دلبسته دی
قلبینه نام حسینی حک ائدوب عشق اوسته دی
دین یولوندا صبر ائدوبدی صبری حیرتده قویوب
خسته لیک عباس الیندن تا قیامت خسته دی
حشریده بیرجوت قولی غوغا سالار محشردی بو
مصطفادی، مجتبادی، حیدرِ دیگردی بو
.
.
من نَقَدری عشقِ عباسِ علیدن سوز یازام
گاهی عباسی حسینه دلربا بیر گوز یازام
من چِکَمم عشقینی تصویره والله شعریلن
عاشقی عشق ایلیین بو سوزدی بیرآن دوز یازام
هرنه اوراق و نوشته واردی وصفینده بو گون
کلِّ دنیانی وئرر وئرمز علینون بیر توکون
.
.
محضرِ شاهه گلوب الده قلنجی رُخصته
عرض ائدوب یاسیدی سالمام سنی چوخ زحمته
پیکر اکبر عباده قان سوزور، اُلَّم آقا
وئر اجازه ابن سعدی من گَتوررم بیعته
خولی و شمر و سنان اوپسون الین آماده دی
اذن وئر گور نیلَرم سردار عشقین زنده دی
.
.
شه گوروب اوج غضبده کربلا سقاسینی
برق تیغین گون اوپور القان دئیر الماسینی
پنجه سین محکم سیخوب گوزلر دولی دریای قان
قول بویون اولدی مگر آرام ائده عباسینی
بو عمل تکرار اولوب آئینه در آئینه دی
سویلویوب آی قاراشیم قلبین سنون گنجینه دی
.
.
بدر کامل، ماه هاشم، عازم میدان اولوب
گون باخور، گونده نمایان اول مه تابان اولوب
تلّیدن چیخدی گوروبدور اشقیانی صف به صف
آت چاپوبدور رزمِگاهه کربلا طوفان اولوب
قاشدی عدوان سس دوشوبدی یول وئرین حیدر گلور
توز قوپوبدور اشقیا اعلان ائدوب لشکر گلور
.
.
کیمدی عباس ای جماعت حیدری غیرت واری
امتیازی قدِّ رعناده دگول هیبت واری
یاعلی تکبیرینه، میداندا عدوان تیتردی
لشکرین نظمین پوزبدور گورنجه قدرت واری
آلدی دریای فراتی باخمادی ساق و صولا
مرحَبَ للهَ زاده ی حیدر گورک عباس اولا
.
.
عشقیله اَندی فراته تاپدی سوء آب حیات
مشکینی سالدی فراته مشکینی اوپدی فرات
یادینه دوشدی اوشاقلار خیمه ده عطشان بنات
سویلویوب اطفالی وئررم آبِ مشکیمله نجات
گوئیا سقا اورجدی ایچمدی اصلا سودان
سسلدی ایچموب حسینیم ایچمرم دریا، سودان
.
.
نفسینی بوقدی جهادِ اکبره فاتح چیخوب
جنگینی تحسین ائدنلر؟ نفس شیطانی یخوب
مشکی سالدی چگنینه حیران قویوب دریالری
ال آتوبدورقبضه ی شمشیرینی محکم سیخوب
گوردی بیر گوز کربلاده یاره مهماندور بتول
منصب باب الحوائج شأنینه ائتدی نزول
.
.
راضی اولمازدی وئره دنیاده زحمت هچ کَسَه
راضیدی قوللار دوشه هم دشمنی باشین کَسه
سوء ولی سالم چاتا اخیامه قزلار سو ائیچه
مشکی اوخ یارسا دئیور قورخوم بودی زهرا کُسَه
نهریدن چیخدی آلوبدور دشمن کین دوره سین
یوخدی باکی ذکر ائدور انّا فتحنا سوره سین
.
.
وقت او وقت اولدی سالوبلار قوللارین بی واهمه
سسلیور پاینده دیندی دشمن حسرت آهمه
راضی دی اوخلار دِئگَه قلبین یارا حتی گوزون
مشکی امّا اوخلاناندا سسلدی یافاطمه
جانِ حیدر سن منه اوغلوم دئنن منده آنا
قوی حسینیم عشق ائده خوشحال اولا دشمن یانا
.
.
بو سوزی آلدی حسین امّا اَسف چوخ دیر اولوب
مرد میدان لشکر نامردیلن درگیر اولوب
بیر نفر عباسی گور اوچ یوز نفر روبه صفت
قلبی یانموشدی ابوالفضلی گوروبدور پیر اولوب
اول اوجا قامت گوروبدور قانینه غلطانیدی
آت چِکیب یرده دئیللر صورتی برهانیدی
.
.
مشکیدن سوء یوخ آخان شبنم کیمی گوز یاشیدی
باشینه آهن ویران انسان دَگول اوباشیدی
جان وئرور توپراقلار اوسته اشقیاده ال چالور
بیر نفر اصلا دئمور یالقوز حسین قارداشیدی
یاحسین بو «سیدی» سیزدن بیلور آب و گِلین
ایستیرَم سینسین قلم تا یازمیام سیندی بئلین
.
.
#عباسیه_شهادت
#کیم_ابوالفضل_عشقینه_دنیا_بویی_پرچم_ویرا
#ترکی
.
✍️ #زبدةالاشعار ✍️
🆔: @nohe_torki
نظر دهید