زبانحال حضرت رقیه (س)
.
✍️ #زبدةالاشعار ✍️
.
🆔: @nohe_torki
.
واصف مرندی
.
کیم ویریب آلنیوا بو شدتیلن یاره بابا
لخته قان پرده چکیب عارض گلناره بابا
.
بئله فکر ایله مزیدیم ولی افسوس اولسون
گلمیسن منزل ویرانه ده دیداره بابا
.
گونلریم باشدا قرا معجریمین رنگینده
هرگونوم دوندی فراقیینده شب تاره بابا
.
فلکین چرخی سینا گردش ایامینده
گولی همیشه دوچار ائتدی خشن خاره بابا
.
نقدر فاصله لر سالسالار اجباریلن
گینه دنیا دولانار یار چاتار یاره بابا
.
ئوپورم یاره لنن لبلریوی قانی گلور
آغلیرام گوزیاشیمیلان ائلیم چاره بابا
.
اکبرین عطری گلور قانلی دوداقلاریندان
یادیمه قانلی عبا دوشدی تن پاره بابا
.
بوغازین یاره سی اوسته گورورم اصغر آدین
بو نشانیله بالان فخر ائدر احراره بابا
.
مظلومین آه شرر باری یخار ظالم ائوین
منده مظلومیم آواره و آواره بابا
.
باخما یثربده کی دورانیمه ویران نشینم
نه لباس ایستیرم ایندی نه ده گوشواره بابا
.
منیده گئتسن آپار غملیدی بو ویرانه
آتاسیزلیق غمی مشکل اولی قیزلاره بابا
.
زجر سیلی سی دگن وقته سنیب شیری دیشیم
پاره پاره گلوری سوزلریم اظهاره بابا
.
دئیورم بعضی سوزی بلکه سنیلن دانشام
اورگیم راضی دگیل یوخسا بو آزاره بابا
.
سنین عشقینده بو داش تپراقین اوسته یاتیرام
حاضرم عشقیوه خاطر چکیلم داره بابا
.
قلبیمین آرزیلارین گوز یاشیمیلان یازیرام
صبحدن شامه کیمین بو در و دیواره بابا
.
بیر نشانه یله منی کیم گوره راحت تانییار
قبریمین اوسته اگر قویسالا گهواره بابا
.
اصغرین باجیسیام کرببلا دور وطنیم
سندیم بو قره معجردی بو گفتاره بابا
.
قوجالیب عمه لریم کیم گوره الان تانیماز
آیریلیق دردینه مشکلدی اولا چاره بابا
.
گون باتاندا آتالار ئوز بالالارین هر گون
دسته دسته آپارار نازیله بازاره بابا
.
من نه بازار نه ده خرج و خرید آختاریرام
سنله بازاریدی گئتسم قوری نیزاره بابا
.
چوخ سوزوم واردی هله عمه مه خاطر دئمیرم
قاتمیشام غملریمی اورتولی اسراره بابا
.
#واصفین چوخ بابا یازماقلارینین علتی وار
اودا عالمده گلر چونکی یتیم باره بابا
.
.
.
#حضرت_رقیه_شهادت #واصف_مرندی
#کیم_ویریب_آلنیوا_بو_شدتیلن_یاره_بابا
#ترکی
.
✍️ #زبدةالاشعار ✍️
.
🆔: @nohe_torki
نظر دهید