شور عشق و عاشقی ایام محرم
قره پرچم
.
✍️ زبدة الاشعار ✍️
?: @nohe_torki
.
.
ابوالفضل عباسی معروفان
.
گئنه بزم ماتم قورولدی یا زهرا
حسینه عاشقلر پریشان آغلار
قره پرچم یاده سالار پرچمداری
وفالی سقایه ئورک قان آغلار
.
.
.
نقدر وار شیعه حسینه نوکردی
فدای اکبردی ئوز عشقین ساتماز
آقامیز مولادی سخاسی دریادی
غلام دربارین گؤزوندن آتماز
قالاجاق دیللرده حسین آدی والله
حسیندور حبل الله ابا عبدالله
قره پرچم حقدی صفالی بیرقدی
قسم پرچمداره بو پرچم یاتماز
.
.
.
علم ثارالله لوای عزتدی
وقار و شوکتدی قسم طاهایه
بو قرا کوینکلر نشان غیرتدی
جواز جنتدی قسم مولایه
کیم عزاده آغلار قرا باشه باغلار
حسینه یاس ساخلار جهنم گؤرمز
دوتاجاق مولاسی او احسان دریاسی
الیندن محشرده قسم زهرایه
.
.
.
ای حسینه عاشق ئوز عشقینده صادق
گل اول شاهه لایق باشیندا قاره
گل اگر دردون وار دئنن یا ثار الله
جواب ائتمز والله تاپارسان چاره
یئتیشوب ماه غم گیوب قاره عالم
اسور قانلی پرچم محافللرده
یوزه اشکین جاری ایله گؤزدن باری
دوادی گؤزیاشی دل بیماره
.
.
.
گلور عطر یاس و هوای احساس و
لوای عباس و صدای زهرا
اوجالور هر یئردن صفا و زمزمدن
کنار علقمدن نوای زهرا
دیور هر دم ایوای اوجا بوی اوغلوم وای
علمداریم لایلای دوشوب قوللارین
ئوپوب آلنون پیکان سنه جانیم قربان
وئرر اجرین والله خدای زهرا
.
.
.
#سبک_یخلوب_عباسیم
.
.
.
#ورود_محرم #قره_پرچم
#گئنه_بزم_ماتم_قورولدی_یا_زهرا
#معروف_اهری
#ترکی
.
✍️ #زبدةالاشعار✍️
?: @nohe_torki
نظر دهید