شهادت حضرت علی اصغر (ع)
.
✍️ زبدة الاشعار ✍️
?: @nohe_torki
.
مژده اردبیلی
.
#سبک_یارالی_جان_یارالی ( 4 سبک)
.
گتدی میدانه حسین آیت جانانی سوسوز
دشمنه وئردی نشان بیر قوزی قربانی سوسوز
.
داغیلوب لشکر ایمانی شه تشنه لبون
پوزوب ظلمیله بستانی شه تشنه لبون
جان وئریر آیت سبحانی شه تشنه لبون
اللری اوسته اولان غنچۀ خندانی سوسوز
.
قاسم ابن حسنی قانه اوصحراده باتوب
مرکز عشقیده لیلا گوزلی کامه چاتوب
شهدا فکرینی سلطان امم باشدان آتوب
تک قالوب دولت اسلامون اوسلطانی سوسوز
.
جان به کف عاشق شوریدۀ ذات ازلی
ختم مرسل نوه سی حضرت زهرا گوزلی
یوز دوتوب لشکر کُفّاره حسین ابن علی
دوز یولا دعوت ائدوب لشکر دونانی سوسوز
.
ائتدی فرمایش اواثناده بو شیوا سخنی
باخمیون محنت وغم درده سالوب جان و تنی
بلیمی گرچه بوکوب عابد صالح محنی
گینه تبلیغ ائدورم دولت قرآنی سوسوز
.
باخمیون یالقوزام الله طرفداریم اولوب
یارو انصاریم ئولوب حضرت حق یاریم اولوب
صودامراوغلوم علی ایندی مددکاریم اولوب
دمبدم یادائلیور حضرت سبحانی سوسوز
.
باغبانم بیلوسوز ایندی گلستان غمه
سالمیون روح پریشانیمی زندان غمه
باخمیون گوزدن آخان بارش نیسان غمه
نقش برآب ائدرم نقشه شیطانی سوسوز
.
من سوسوز گلده سوسوز بیر سوری جیراندا سوسوز
نهر علقمده دوشن سلقی طفلان دا سوسوز
قیزلاریم جمله سویوز زینب نالاندی سوسوز
باغ عشق وشرفین بلبل خوشخوانی سوسوز
.
آیری فکرائتمیسوز عرصه ده ای کوفه لی لر
سیزده یوخدور بیلمورم رحم و مروتدن اثر
سو تمناسینه گَتدیم بالامی دیده سی تر
رحم ائدون ایندی چیخار اصغریمون جانی سوسوز
.
بالامون سوز عطشدن قوریوب دیل دوداقی
نیلیوبدور سیزه سالدوز غمه دیلسیز اوشاقی
بیر ایچیم سو وئرون ئولدورمیون عطشان قوناقی
ئولدورر ایندی اوزون مادر گریانی سوسوز
.
منله دعوایه چیخیب سیز اگرای قوم کفر
سالمیون بوندان علاوه دل سوزانه شرر
گرچه یوخ دینوز اقلاً اولون آزاده بشر
ائتمیون غرق محن صودامر انسانی سوسوز
.
حیف اولا باخمادیلار شافع عقبا سوسوزونه
کربلا شاهینین ارزنده و.شیوا سوزونه
احترام ائتمدیلر حضرت مولا سوزونه
ئولدورنلر شرف عالم امکانی سوسوز
.
دشمنان شه دین هربیری بیر نیت ائدوب
خولی و شمر سنان آیریدا بیر صحبت ائدوب
هربیری خادم اولوب اهرمنه خدمت ائدوب
اینجیدوب طعنه لری حجت یزدانی سوسوز
.
ناگهان حرمله بیر قائله ایجاد ائلدی
دینی دنیایه ساتان نیت شداد ایلدی
نیتیندن خلف حیدری ناشاد ائلدی
ائلدی غرق الم سرور دورانی سوسوز
.
القرض قویدی کمان چله سینه اوچ پراوخی
چله سیندن قوتاروب غیضیله چون خنجر اوخی
آچمیرام مطلبین اوستون سن اوخی خنجر اوخی
قانه غلطان ائلیوب برقوزی قربانی سوسوز
.
کربلا شاهی حسین ابن علی سرور دین
منشأ جود و کرم پادشه ی کشور دین
غرق اندوه و محن جاهد نام آور دین
رشته عشقه دوزوب شدّه ی مرجانی سوسوز
.
اصغرین حالی پوزوب حالینی شاه زمنون
یوخدی الدن دوتانی آیت وجه الحسنون
اللریندن سوسولور قانی اوپیکان امنون
بیرره چاره گزور مهر و وفا کانی سوسوز
.
سسلیوب داده ابالفضلی شه ملک حجاز
گل دیور اوخلادیلاراصغریمی اهل مجاز
نهرعلقمده دوشن قوللارووا واردی نیاز
گل آپار خیمه لره لاله ی نعمانی سوسوز
.
شهد نوشین شهادت که بالام نوش ائلدی
منی بو دشت غم افزاده فراموش ائلدی
آناسیندرده سالوب گورنه سیه پوش ائلدی
قویدی آغلار گونه بیرحالی پریشانی سوسوز
.
دوشدی القصه یولا تشنه لب آب حیات
اصغرین نعشی قوجاقینده اوپاکیزه صفات
فاطمه اوغلی حسین شافع یوم عرصات
آسمان شرفون شمس درخشانی سوسوز
.
چاتدی اخیامه غرض پادشه ملک شرف
سسلدی زینبی بند دل سلطان نجف
گل باجی تیر ستم اصغریمی ائتدی هدف
امدی شش ماهه بالام ناوک پیکانی سوسوز
.
آل الیمدن قوزی قربانی آپار خیمه لره
باغرووا باسمابالام عرصه ده دوشدی خطره
بوغازیندا یاراسین اصغریمون أل نظره
اوخشا اخیامیده زینب گل ریحانی سوسوز
.
(مژده )ی وصلت آلوب محضر جانانه چاتوب
اوخ بوغارین که بولوب راحت وآسوده یاتوب
اوزونی جرگه عشاقه بوصحراده قاتوب
اصغریم درک ائلیوب قادر منانی سوسوز
.
#اصغریه_شهادت
#گتدی_میدانه_حسین_آیت_جانانی_سوسوز
#مژده_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید