یا مهدی
.
.
.
.
مرحوم کاتب اردبیلی
.
گتور می ساقیا بیر ساغر سرشاره مشتاقم
می خوش طعم روح افزا فرح كرداره مشتاقم
.
او میدن ایستمم ساقی که مخمور ایلر انسانی
من اول پیمانه ی عشق اولوالابصاره مشتاقم
.
او میدن ایسترم سندن که عشق اهلی ایچوب اوندان
ایچم بلکه یتم منده وصال یاره مشتاقم
.
نه اول میدن ائدر سرمست انسانی بو عالمده
او میدن ایسترم ایچجک دونم هشیاره مشتاقم
.
ایانه دورگیلان دور ائت منی غمدن خلاص ایله
دوشوبدور باشیمه سودا رخ دلداره مشتاقم
.
ندور می ساغر مینا بولاردان احتیاجیم یوخ
می حبّ ولیّ حق شه ابراره مشتاقم
.
اولوبدور بیر قفس گویا منه ملک جهان یکسر
مثال بلبل شیدا گل گلزاره مشتاقم
.
یگانه گوهر بحر عطای خالق اکبر
اولان کنز خفی ایچره در شهواره مشتاقم
.
سحاب غیبت ایچره دور ائدن عالملری یکسر
شعاع طلعتی بیر شمس پر انواره مشتاقم
.
دم پاکی اولان عیسی کیمی بیر محیی الاموات
ایدن عظم رمیمی زنده اول گفتاره مشتاقم
.
نولور یارب چیخاگون تک گون اوزلوم شرق غیبتدن
جهانی ایلیه روشن او خوش اطواره مشتاقم
.
ولایت تختینه سلطان ولیّ خالق سبحان
رموز آیه ی قرآن اولان سالاره مشتاقم
.
امان و الامان عجّل ظهورک یا ولی الله
گتور زور یداللهی گینه اظهاره مشتاقم
.
گل ای شمس ولایت دیده ی خفّاش کور اولسون
صفا وئر سن بو دین احمد مختاره مشتاقم
.
اوزون چک ذوالفقارون آل شه کرب وبلا قانین
دم تیغیله اود ویر خرمن كفّاره مشتاقم
.
قصاص آل اطهاری اوزون آل قوم کافردن
شرر سال ذوالفقاریله صف اشراره مشتاقم
.
دوشوبدور مشکله ایشلر یتیش فریاده یا مولا
اوزون واقفسن ازّلدن هامی اسراره مشتاقم
.
یداللهیله درمان ائت قلوب اهل اسلامه
غم اكبرده اولموش قلبلر صدپاره مشتاقم
.
قالوب گوزلر یولوندا انتظار وصل جاناندور
محب شیعه وی قویما قالا آواره مشتاقم
.
سنون ای شاه دین روی زمین فیض وجودوندن
دونه جنات تجری تحتها الأنهاره مشتاقم
.
همیشه گوز تیکوبدی فیضوه بو #کاتب نالان
ائدرسن دردینه روز جزاده چاره مشتاقم
.
.
#مهدیه
#گتور_می_ساقیا_بیر_ساغر_سرشاره_مشتاقم
#کاتب_اردبیلی
#ترکی
.
.
.
نظر دهید