زبدةالاشعار

گذر بغداده سال ختم رسالت یا رسول الله #کاظمیه_تائب_تبریزی

شهادت حضرت موسی ابن جعفر (ع)
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
گذر بغداده سال ختم رسالت یا رسول الله
ایله موسی ابن جعفردن عیادت یا رسول الله
.
.
اولوب دشمن اسیری قیدینه نه بیر قالان واردی
قالوبدور گوشه زنداندا نه یاده سالان واردی
گلوبدور خاطری درده نه بیر گویلون آلان واردی
نه واردی ایلین حالین رعایت یا رسول الله
.
.
قبیله یوخ یانندا طایفه دوشموش اوزاقینده
دولار اشکیله آغلار گوزلری ائل اشتیاقینده
اولوبدور همدمی زنجیریله کنده ایاقینده
عجب مونس تاپوب ایلوبدی الفت یا رسول الله
.
.
وطن آواره سی بی اقربا دلده غم غربت
اولوبدور مسکنی ایللر بویی مطمورۀ ظلمت
قالوب گون نورینه گوندوز گئجه آی نورینه حسرت
گوزونده بیردی گوندوز لیل ظلمت یا رسول الله
.
.
خیال اوستن خیال ایلر گلوبدور خاطری درده
بسان غنچه باغرین قان آلوبدور پرده به پرده
ئورک باشینده قالموش اللری سولموش یوزی یرده
توکر رخساره گوزدن اشک حسرت یا رسول الله
.
.
سینوب قلبی دلینده نی کیمی دائم نوا واردی
اریتموش زحمت زندان وجودیندن نما واردی
باخان زندانه بیله فرض ائدر بیر تک عبا واردی
ایله جسمین ضعیف ایلوبدی زحمت یا رسول الله
.
.
اگرچه مسکنی دائم اونون زندان ظلمتدور
دیر راز نیاز ائتماقلیقا نه یاخشی فرصتدور
یانیمدا یوخدی بیگانه گوزل دارالعبادتدور
ائدوبدر محبسی دارالعبادت یا رسول الله
.
.
ائدر گوندوزلرین آخشام هامو گوندوزلرین صائم
وئرر ئوز عمرینی باشه گونوز صائم گئجه قائم
گورر هر بیر باخان اول شهریاری سجده ده دائم
قوروب جانانیله بیر بزم خلوت یا رسول الله
.
.
اولوب خسته وجودی ناتوان افسرده حالتدور
ئوزی ناخوش قوری یرده دچار رنج و زحمتدور
رطوبی یر او مظلومه محل استراحتدور
قویا ای کاش دشمن اوردا راحت یا رسول الله
.
.
دیسم دشمن دوور شرم ایلورم بو ذکر صحبتدن
یوزوم ایلر عرق بیر بیله سوزده فرط خجلتدن
دیسم یوخ اصلی سوز خارج اولار متن عبارتدن
زیارتنامه ده وار بوعبارت یا رسول الله
.
.
سلام اولسون او شاهه سالدیلار تاریک زندانه
او قدر اینجیتدیلر زنداندا دویدی عاقبت جانه
هامی جور و جفا بیر یانه سندی ظلمی بیریانه
نه عرض ایلوم که ائتدی نه جسارت یا رسول الله
.
.
بو قدری وار او بد فرجامی هر ساعت گورر تیترر
نه ظلمه وار اونون قصدی ائدر مد نظر تیترر
خزان یپراقی تک سندین هراسیندن اسر تیترر
وئروب از بس او مظلومه اذیت یا رسول الله
.
.
امامی جبریله مسموم ائدوب سندِ کج اندیشه
سالوب هارون ملعونی همین بو امر تشویشه
قوروب مجلس ائدوب حاضر طبیب اول شوم بد پیشه
ائده بیر نحویله تا رفع تهمت یا رسول الله
.
.
طبیب ائتدی سئوالات اول غریبون ماجراسیندن
دیه بولموب عیان باشدا اولان درد و بلاسیندان
طبیبه اوجونی وئردی نشان دشمن هراسیندان
گوروب که زهردن واردی علامت یا رسول الله
.
.
دؤنوب باخدى طبیب اول مجلسه چشم پرآبیله
دئدی مسموم ائدوبلر بو غریبی چوخ عقابیله
وجودین سم آلوب دلدن یانور بو التهابیله
بولوندی سوز ندور بولدی جماعت یا رسول الله
.
.
ایاقه دوردی مجلس اهلی تا سوز بو یره یتدی
قالوب بیر سند بیر اوغلون او مجلسدن هامی گئتدی
نئجه عرض ایلیوم سند اوغلووا اوندا نه ظلم ائتدی
ئوزون آگاه سن ائتدی نه جرأت یا رسول الله
.
.
دئمم ائتدی نه جرأت اوغلوون گل عارضی سولدی
دیمم نولدی یانان قلبی اونون خونابیله دولدی
بو قدری واردی اول مظلوم حقینده اولان اولدی
گوزل راقدور صراحتدن کنایت یا رسول الله
.
.
سالوبدور ئوزگه بیر حاله أو مظلوم زمین گیری
اولوب محبوس ایاقدا کنده سی بوینوندا زنجیری
ایاقدان سالدی بو حالیله آخر زهر تاثیری
ائدوب سوز دلی هر لحظه شدت یا رسول الله
.
.
دونوب صاقدان صولا صولدان صاقا اول حجت دادار
دیر جانه یتشدیم ظلم الیندن ای خدا زنهار
منی بو دشمن بی رحم الیندن رحم ایله قورتار
اولوب وردی او سوز ساعت به ساعت یا رسول الله
.
.
دوتار گاهی بقیعه یوز دلینده ذکر واویلا
دیر یاندیم امان یا جدّتی یا أم یا زهرا
گهی آغلار گوزیله سسلنر گل داده یا جدا
بالان مسموم اولوب گل قیل عیادت یا رسول الله
.
.
غریبی گوشۀ زندان ده بیر یاد ائدن اولماز
نه دور دردی تفحص ایلیوب دردین بولن اولماز
وئرنده جان غریبون باشی اوسته بیر گلن اولماز
ئوزون گل قیل بالان حالین رعایت یا رسول الله
.
.
دوتوب حقّه طرف یوز گاه حیّ ذوالمنی سسلر
گهی زهرا آناسین گاه حسرتله سنی سسلر
گھی اوغلی رضانی گه قیزی معصومه نی سسلر
ایده هر تک تکی دردینده شرکت یا رسول الله
.
.
ائدوبدور منزلینده جمع سبکی نچه احراری
اولار بانی اولوب «تائب» یازوب بو غملو اشعاری
گویولده واردی بو حسرت اولاق بیر وقفه زوّاری
گوزل قبرین ائداخ باهم زیارت یا رسول الله
.
.

متن پیشنهادی:  قارداش ئولومی قارداشین حالین کدر ایلر #حسینیه_علی_تیموری

#کاظمیه_تائب_تبریزی
#کاظمیه_شهادت
#گذر_بغداده_سال_ختم_رسالت_یا_رسول_الله
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی