زبانحال حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم حاج محمد فرقانی
.
گر چه ستم حرمله دن جانه دایاندیم
مقصود اله گلدی باباجان قانه بویاندیم
.
.
قورخوردوم الیم بوش اولا بازار وفاده
درک ایلمییم فیض شهادت بو مناده
سو مرحله سی یاخشی منی چکدی مراده
حمد ایلرم آللهه عجب من سون اولدی
هم من سون اولدی بابا هم سن سون اولدی
.
.
پیکانی گورنده پر آچوب منده پر آچدیم
بولدوم که بابا عشق اوخودی عشقه ور آچدیم
قوخدوم سنه دگسون اودی حلقیمده یر آچدیم
حلقیم بیچیلوب دلده که مقصود اله گلدی
جان ویرماق الون اوسته لب عطشان نه گوزلدی
.
.
آواره بو صحراده دولاندوخ ایکیمیزده
لب تشنه بابا قانه بویاندوخ ایکیمیزده
بیر تیریله یاندوخ یارالاندوخ ایکیمیزده
بیر قالدی آنام یاره لنر دلدن آنامدا
احوالیمه آغلار بابا پیکان دا یارامدا
.
.
بولدوم بو بیابانیده قانه باتارام من
قانه بویانوب عین مرامه چاتارام من
سینونده سنون تشنه جگرله یاتارام من
لالای دیه سن اوندا منه خوش گلی لای لای
اما دئ آنامدا دئسون ای وای بالام ای وای
.
.
دئ ظلم اوخی حلقی بابا باشدان باشا بیچدی
اما دئمه سو ویرمدیلر قانینی ایچدی
گورسن که منیم دینمه ماقیمدان اوزی سچدی
آندور که عطش سوزینی قان ایچماقی آلدی
قورتولدی بو بیر عمر سیزیلتی سنه قالدی
.
.
بیرده دئ بابا شیریله پستانی دولاندا
پستانی دولوب اصغرینه مایل اولاندا
قویسون الینی سینه سینه سسله سین اوندا
سوز عطشیله یانان عطشان بالام ای وای
منده دییرم قبرده آغلار آنام ای وای
.
.
بیرده بابا تاپشور که آنام گیتسه وطنده
یومسون گوزونی خیردا اوشاقلار صود امنده
بیر غنچه گلی گورسه سولان وقتی چمنده
سینمیش قانادین قوش کیمی داشدان داشا چالسون
آغلار گوزیله اصغرینی یادینه سالسون
.
.
سویلردی آنام آغلاما بیر گول گوله گل لر
مایل اولی گلشنده گولن بلبله گل لر
آخر نفسیمده بابا گولدوم گوله گل لر
بولسونله حسین گلشنینون بلبلیم من
اما آنامین غنچه ده سولموش گلیم من
.
.
بو رسمیدی گل بلبل بی باله گولنده
بلبلده گولر گلده گولر ژاله گولنده
هئچ بلبل و گل آغلامیوب لاله گولنده
گولدوم بابا سنده گوله سن گولمیه اشرار
بولسونله بیزیم عشق آرا بیر عالمیمیز وار
.
.
بو حالیله گورسه منی گر تشنه اوشاقلار
سو صحبتینی ترک ائدوب احوالیمه آغلار
یتسم آناما رأفتیله یاره می باغلار
ایوای بالا وای ناله سی گونلر قاباقیندا
سسلر نقدر واردی بابا جان دوداقیندا
.
.
چوخ حسرتیدی من اونا بیر دفعه گولیدیم
ایستردی بابا حسرتینی بیرجه بولیدیم
راضیدی ولی من نه گولیدیم نه ئولیدیم
افسوس که من سیز آنام آماله یتیشمز
بوندان صورا بولم بابا گولماق یادا دوشمز
.
.
بلبل گله اوز عشقینی دنیاده دانانماز
عالم گل اولا بیر گلی من تک گل اولانماز
بلبل ده وفا اولسادا گلزاره دولانماز
مندن صورا گلزارلرین گللری سولسون
بلبل لرینین دل لری خونابیله دولسون
.
.
.
#فرقانی_محبی
#گر_چه_ستم_حرمله_دن_جانه_دایاندیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید