شهادت حضرت علی اکبر علیه السلام
.
.
#سبک_مسلمون_شهادتی ( 5 سبک سینه و زنجیر و شاه حسین گویان … در یک فایل )
.
.
مرحوم یحیوی اردبیلی
.
.
گلدی خیمه دن حسین
کربلا مناسینه
هر قدمده سس وئروب
اکبرون صداسینه
.
قویدی شاه دین قدم ذوالجناحدن یره
هاشمی جوانلاری ایلدی محاصره
راضی اولمیوبدولار کوفه لشگری گوره
آغلیور نجه حسین نوجوان بالاسینه
.
باشی اوسته اگلشوب شهریار کربلا
پرچم آچدی قارداشی نامدار کربلا
تا قوشون باخوب گوره تاجدار کربلا
نه جلالیلن گلوب اوغلونون عزاسینه
.
حسرتیله اکبرون باخدی گول عذارینه
قویدی بیر الین اونون رأس زخمدارینه
بیر الیله ایلدی تکیه ذوالفقارینه
پی آپارماسون باخان حال غم فزاسینه
.
گلدی آل هاشمون باشدا جوشه قانلاری
اذن جنگ ائدوب طلب مرتضی جوانلاری
رام ائدوب حسین اوزی بیر دیلیله اونلاری
سویلدی او عده نون مرحبا وفاسینه
.
بو سوزی ائشتموسن شهریار با وقار
سردی اوز عباسینی توپراق اوسته فرش وار
قطعه قطعه پیکری اول عبایه قویدولار
تئز یتوردیلر اونی منتظر آناسینه
.
قلبوون یاراسینه شیعه لر فدا حسین
سالدی یادیمه بو غم آیری ماجرا حسین
چکدون اول جنازیه سن نیه عبا حسین
لیلی باخماسون اونون جسمنون یاراسینه
.
چخدی خیمه گاهیدن اهل بیت خونجگر
نو گل محمدی اوسته اندی پؤره لر
شمعون عاشقی نجه شمع دوره سین گزر
حلقه ویردیلار اونون زلفنون جلاسینه
.
عمّۀ حمیده سی اکبرین قوجاقلادی
قالخزوب اونون باشین سینه سینده ساخلادی
صوت جانگدازیلن ضجه چکدی آغلادی
قوشدی ناله سین حسین زینبون نواسینه
.
ای جوان نازنین بی گناه ئولن بالا
قطعه قطعه پیکری دوغرانوب گلن بالا
جسمووی نجه گوروم من بو حالیلن بالا
تیغ آهنین کچوب قاشلارون آراسینه
.
.
#اکبریه_شهادت #اکبریه
#گلدی_خیمه_دن_حسین
#یحیوی_اردبیلی
#پرچم_عزا_یحیوی
#ترکی
#زبدةالاشعار
نظر دهید