گلدی زیارت ائتسون قبر حسینی جابر #اربعین_لعلی_تبریزی

اربعین
.
✍️ زبدة الاشعار ✍️
.
🆔: @nohe_torki
.
مرحوم لعلی تبریزی
.
گلدی زیارت ائتسون
قبر حسینی جابر
گوردی قالوب مزاری
بی زائر و مجاور
.
.
اول مرقد شریفی شوقیله ائتدی بیر دؤر
عرض ایلدی امامین قالماز مزاری بو طؤر
بیر بیله پادشاهه آیا روادی بو جؤر
قبری غبار ایچینده قالسون بو نوعی آخر
.
.
سویلوبدی زار و گریان جابر بحال رنجور
اولسون سنه سلام ای جلّادی شمر منحور
ای جسم زاری رنجور ای نحر پاکی منحور
کسدیله تشنه باشون آخر بو قوم کافر
.
.
آغوشه چکدی جابر اول اکبرین مزارین
توکدی سرشک چشمین آرتوردی آه و زارین
عرض ایلدی فداسی بو قبر پرغبارین
بو توزلی قبره قربان روح و روان جابر
.
.
باخجاق بو قبره آرتارغم بو دلی حزینه
نولدی بس اهل بیتین ای یوسف مدینه
سندن ننوعی بُلمَم آیری دوشوب سکینه
شامه اولوب پیاده آخر نجه مسافر
.
.
جابر او مرقد اوسته مشغولیدی نوایه
ناگاه دوشدی بیر سس اول دشت نینوایه
بولدی که اهل بیتی صحرای کربلایه
افغان و شور و شینله یکسر اولوبلا حاضر
.
.
زین العبادی گورجاق ائتدی سلام تقدیم
اُول سیّد جلیله شوقیله ائتدی تعظیم
وئردی سلامه پاسخ ایلوب زیاده تکریم
قَد فُزتُ بِالسَّعاده یا زائِرَالمَقابِر
.
.
اُول دمده آل حیدر یوز قویدی اُول مزاره
قبر حسینی جان تک زینب چکوب کناره
لیلا گلوب مزار اکبرده آه و زاره
هر بلبل اوز گُلینه شوقیله اولدی زایر
.
.
.
#سبک_احوالیمیز_یاماندی … بیش از 10 سبک
.
.
#اربعین
#گلدی_زیارت_ائتسون_قبر_حسینی_جابر
#لعلی_تبریزی
#ترکی
.
✍️ #زبدةالاشعار ✍️
.
🆔: @nohe_torki