زبدةالاشعار

گلدی زینبون قورماقا عزا کربلا مناسینده یاحسین #اربعین_بلادی_اردبیلی

اربعین
.
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
بلادی اردبیلی
.
.
گلدی زینبون قورماقا عزا
کربلا مناسینده یاحسین
آغلیا ابالفضله اصغره
اربعین عزا سینده یاحسین
.
.
دور منی حسین پیشوازایله دیده ترباجون قدی خم گلوب
وئرخبر علمدار لشگره زینبون الینده علم گلوب
دولدورب بو صحرانی عطرغم یاسووه یارالی ننم گلوب
حشره جک قالاروای بالام سسی کربلا فضاسینده یاحسین
.
.
دیزلریم اسور اللریم اسور زینبم بلادن قوجالموشام
قانلی کونگی پاره مشکی من دشمن ستمگردن الموشام
اللی ایل عزابزمی قورموشام اللی ایل حسین قاره سالموشام
آتش محندور چیخور گووه زینبون نواسینده یاحسین
.
.
قبرووه حسین گوزلریم فدا یاندی قلبیم ای قلبی اوخلانان
قبرون اوستونه خسته گلمیشم باشی نیزه اوستونده داشلانان
نوحه من دیئم اغلیا رباب اصغر لب عطشانیلن یاتان
غملی شامیدن واردی گرد غم باشیمون قراسینده یاحسین
.
.
یاره باغلیان اللریله من قبره قویدوم افاقی داغلادیم
اولمادی کفن یاره جسمینه اغ یئرینه من قاره باغلادیم
یاسه اولمادی بیر نفر گلن سسله دیم ابالفضلی اغلادیم
غملی قبره حسرت گئدیدی کاش اکبرین عباسینده یاحسین
.
.
گون باتان زمان شهرشامیده سسلوردی اکبر داریخموشام
یادیمه علی شهریمیز دوشوب هارداسان برادرداریخموشام
چوخ دیئردی ای تشنه خونجگر حلقی یاره اصغرداریخموشام
عترتین ئورک باشین اودلیوب اخرین دعاسینده یاحسین
.
.
عمه سولدی دای یورولموشام ایسته سن ئولوم حقیدن منه
بو خرابه ده نصف شب بی بی اچ دعایه ال جان دئیم سنه
قبره قوی اوزون سن رقیه نی توک عذاره یاش سسله وای ننه
یانموشام یانان خیمه لر کیمین شام غم بلاسینده یاحسین
.
.
من خجالتم فاطمه گولی شامیده چمنسیز ئولوب حسین
اکبرین رقیه عزیزه سی سن کیمین کفنسیز ئولوب حسین
تک قالوب بقیع خرابه ده یانمو شام وطنسیز ئولوب حسین
ئولدی تز ننم فاطمه کیمین اشقیا جفاسینده یاحسین
.
.
نوحه خوانی ئولدی قطاریمون غمزده دل افکارم اغلارام
دل یاراسی دلدن سالوب منی دلشکسته زوارم اغلارام
ایئ ئولنده یاسی دوتولمیان یاره لی عزادارم اغلارام
گورسنور بلا گوسنور عزا زینبون بکاسینده یاحسین
.
.
دردیمی منیم اولمادی بیلن غملرون منی سالدی چوللره
قویدی دیده تر زینبی فلک کربلا دیارینده ائللره
شامیده باجون انتظاریدی نهریده دوشن قانلی اللره
دردمنده اچدی شفا یولون عشقوون بناسینده یاحسین
.
.
وئراجازه نهره دوروم گئدیم کربلایه یالقوز باجون گلوب
یدی قارداشون بزم یاسینه باش اچا اوغولسوز باجون گلوب
دربدر قالوب شهریلر گزوب قبروه ادامسوز باجون گلوب
دردوغم نمایاندی قیزلارین فاطمی نماسینده یاحسین
.
.
دردعروسی دلدن سالوب حسین غم رباب زاری سالوب غمه
اختارور سوسوز اصغرین رباب گوزلری باخورنهرعلقمه
کاش ئولنده من ائللریم بوکه جسمیمی منیم قانلی پرچمه
دفن اولام بقیعده ئورک یارا کربلا لواسینده یاحسین
.
.
قسمت ایله یافاطمه قوراق شامیده عزا سینه داغلیاق
غملی مرقدینده رقینون یاس یارالی سقایه ساخلیاق
دعوت ایلیک یاسه زینبی اوردا بیز(بلادیلن)اغلیاق
واردی گوزلریم یوم حشریده زینبون عطا سینده یاحسین

متن پیشنهادی:  منیم قبله م منیم کعبه م صفای مهر ومحرابیم #حسینیه_بیدقداری

.
.
#اربعین
#گلدی_زینبون_قورماقا_عزا_کربلا_مناسینده_یاحسین
#بلادی_اردبیلی
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی