فرزندان حضرت زینب (ع)
.
✍️ زبدة الاشعار ✍️
?: @nohe_torki
.
حاج داود بیدق داری( داور )
.
گلدی زینب شوقیله سالار دین درگاهینه
احترام ائتدی ازل کرب و بلانین شاهینه
عرض ائدیب ای اکبرین قربان ائدن اللهینه
رخصت اولسا قدرت عشقی نمایان ایلرم
هر ایکی دلبندیمی قرآنه قربان ایلرم
.
بیله فکر ائتمه حسین درد و بلادن خسته یم
رشته ی عشقیله عمریمده سنه وابسته یم
درسیمی زهرا وئروبدور عاشق وارسته یم
من سنیله وئرمیشم روز ازلدن ال اله
زینبین اوغلانلارین لطف ایله گوندر مقتله
.
من ایکی دلبندیمه برنامه تنظیم ائتموشم
بیر گوزل آینده نی معناده ترسیم ائتموشم
هر ایکی دلداده یه ایثاری تعلیم ائتموشم
گر چه بو قربانلاریم چاتماز جلال اکبره
سن ولی گل فرض ائله تقدیم اولونسون دلبره
.
زینبین عشقین گوروب اعلاده دور شمس هدا
وئردی رخصت زینبه سلطان دشت کربلا
امر ائدوب قربانلاری اعزازیله دور سال یولا
سن بو بازار وفاده سود شایان ایلدون
صبری مبهوت ایلیوب ایوبی حیران ایلدون
.
چوخ علاقیله باجی خدمت ائدوب قارداشینه
عشقه باخ دخت علی رخصت وئروب گوز یاشینه.
دوردی شوقیله خانیم دوندی حسینون باشینه
گوردی بوایثاری چون شاه دل افکار آغلادی
سس سسه وئردی او دم لب تشنه قیزلار آغلادی
.
سالدی بیر نحویله ئوز قربانلارین زینب یولا
ایستدی تا تحفه سی دلدارینه مقبول اولا
عرض ائدوب یارب رضایم بو گوزل گوللر سولا
اللی بش ایلدور بو سوداده فنا فی اللهیم
سن حسینی چوخ سوورسن منده خاطرخواهیم
.
بیلمورم یارب نه گلدی گوللره توفانیدن
فاطمه فریاده گلدی روضه ی رضوانیدن
گئچدی بیر آز مدتی گلدی خبر میدانیدن
سولدی گوللرصرصر ظلمیله فرش اولدی یره
خیمه لرده قیز گلین آغلاشدی دگدی بیر بیره
.
چخدی یکسر خیمه دن اهلحرم بی فاصله
روشن اولدی گون کیمی اهل خیامه مسئله
چوخ چتیندور بیرآنا صبر ایلیه بو نسگله
صبرائدوبدور زینب دلخسته درد اعظمه
گلمه دی خیمه قباقینده بساط ماتمه
.
بیر گریزیم واردی دلده عرض ائدیم اهل دله
تا عیار عشق زینب شعریده گلسین اله
قهرمان کربلا عاشق لره سر سلسله
گوردی بیر تاریخی ایش حیرتده دور تاریخ ئوزی
کهنه دنیا وار نه قدری وار بو ایثارین سوزی
.
چخدی باجی خیمه دن قارداش گئدنده مقتله
سسلدی ای بوسفرده زینبه سرقافله
آند وئررم من سنی زهرا یه قارداش صبر ائله
ای کرم دریاسی بیر لطف ایله غم یولداشووه
مرکبوندن دوش یره منده دولانیم باشووه
.
من سنه دلداده اولدوم سن خدای عالمه
دل وئرن ئوز دلبرین وئرمزبیرعالم درهمه
اسم اعظمدور آدون وصلم بواسم اعظمه
سن امیدیمسن بوچولده ای امیدعالمین
ناامیدائتمه منی دیندیر دوباره یاحسین
.
دوشدی مرکبدن یره سلطان ملک ارتضا
ائتدی فرمایش بیر آزصبرایله ای کان حیا
شدتیله آغلاماعهده گرک اولسون وفا
سنکه افلاک شرافتده منور ماهیسن
روزاول باغلانان پیمانیدن اگاهیسن
.
صبرائله تانوبهارعشق گلسین حاصله
سالک راه وفا صبر ایلیر هر مشکله
اغلاماگرچه سوار اولسون شکسته محمله
قافله سالارسیز شامه گئدر بو قافله
قولارون باغلانسادا یولاردا زینب صبرائله
.
چوخ سفارشلر ائدوبدور زیبنه شاه ولا
گوردی چوخ بیتابیدور دردانه ی خیرالنسا
سینه سی اوسته الین قویدی حبیب کبریا
تا الین قویدی اورک رام اولدی عرض ائتدی اخا
وقت پیمانون یتوب بوسن بو دشت کربلا
.
#داورا گنج سعادت تاپدی زینب گورنجه
هرسحر وردیله مانوس ودعائیلن گجه
پاک اولان مقصوده آری تز چاتارقالماز گجه
شاعراولمازسان ولی پاک اولماقا چوخ سعی ائله
قبل دعا صبح ومسا تا منجی عالم گله
.
#طفلان_زینب
#گلدی_زینب_شوقیله_سالار_دین_درگاهینه
#بیدقداری
#ترکی
.
✍️ #زبدةالاشعار ✍️
?: @nohe_torki
نظر دهید