گلر بو بزم عزایه او کس که لایقدی #صادقیه_علومی_تبریزی

بزم عزای حضرت امام جعفر صادق علیه السلام
.
.
.
دکتر محمد حسین کتابچی (علومی تبریزی )
.
گلر بو بزم عزایه او کس که لایقدی
که بوردا ایندی عزای امام صادقدی
.
نه دردین اولسا ئورکدن امام صادقه دئ
رئیس مذهبیمیزدی طبیب حاذقدی
.
شهادته یتشوبدی وصی پیغمبر
توکر سرشکین او کسکه امامه عاشقدی
.
امامه ائتدی اذیت او بی حیا منصور
قویان عیالینی آغلار همان منافقدی
.
امامی قویمادی آسوده دشمن ظالم
گورردی جعفری چون کاشف حقایقدی
.
ائدوب ولی خدانی جفائیله مسموم
بلوردی روز جزا شافع خلایقدی
.
گلوبدی شیونه آغلاردی موسی کاظم
پیمبر عترتینه غملی بیر دقایقدی
.
هامی ائمه دچار اولدی ظلمه دنیاده
شهادت امری عیال اللهه سوابقدی
.
حسینیده سوسوز ئولدوردی شمر بی ایمان
علی عیالی اسیر سپاه فاسقدی
.
گئدنده دار فنادن بو جعفر صادق
وصیت ایلدی تاریخیده مطابقدی
.
ولی حسینه امان وئرمدی سپاه یزید
مصیبتی دل اهل ولایه حارقدی
.
.
#صادقیه_شهادت
#گلر_بو_بزم_عزایه_او_کس_که_لایقدی
#علومی_تبریزی
#ترکی
#زبدةالاشعار