زبانحال حضرت سکینه «س» در راه شام
به سر مبارک حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
حاج یحیی فغانی تبریزی
.
گلزار غمده محو جمال گلم على
گل آردیجان دوشوب دولانان بلبلم على
.
صیاد الینده باخما بو گون مرغ بی پرم
دام شکنج زلفه دوشن بسملم على
.
هر بیر تلینده مین دل آسلموش بو زلفوون
منده بو زلفدن آسیلان بیر دلم على
.
آئینۀ جمالوی قان، گرد ره دوتوب
لازمدی زلفمیله جمالون سیلم على
.
وصل نگاره حایل اولوبدور حجاب جان
یتمور الیم وصاله اؤزوم حایلم على
.
سن شاهزاده، فرض ائله منده کنیزوم
جان نقدی الده وصلوه چوخ مایلم على
.
بیرجه نگاه فیضدى الان قالان منه
بو فرصتین گرکدی که قدرین بولم على
.
آچ قانلو گوزلرون منه باخ من باخوم سنه
سنله بو یولدا همره و هم منزلم على
.
خاریله گل انیس اولالی دست جبریله
حسرت باخان کناریده بیر بلبلم على
.
آهیم انیسدور منه گوز یاشی هم جلیس
مونسدى ناله، دردیله هم محفلم على
.
تار مصیبتونده کی آهنگ غم فزا
مضراب محنتونله قریلموش تلم على
.
یوخدور دیلیمده تاب تکلّم فراقدن
دلدن دوشن جرسلریله هم دلم على
.
عُشّاقه نقصدور ائده هجرانیدن گله
لطفونله من بو مرحله ده کاملم على
.
عشقوندی میندیرن باجوی ناقه اوستونه
گور نه سوار ناقۀ بی محملم على
.
هر نه بلا یولوندا گله باشه دلخوشام
الطاف گاهگاهیوه تا شاملم على
.
ایستکلی قارداشیم، گوزلیم، گوگلوم ایستگی
روحیم، امیدیم، ای گوزوم ایچره گیلَم على
.
دیوانه بولدولر منی زنجیره چکدیلر
مجنون عشقوَم اودی کیم عاقلم على
.
قورتولماسون گوروم بو یولی تا صباح حشر
سنله طریق عشقده چون راحلم علی
.
نامحرمان کوفه و شامه بیورگلن
ستر و حجاب فاطمیه عاملم على
.
غم هاله سینده پردۀ عصمتده مستتر
جدّیم دییَن شریعته چون قائلم على
.
دنیا بویوندا شیعه لره حشر اولونجا من
پیغام شاه تشنه لبه حاملم على
.
بیر رو سیه گدادی #فغانی بو درگهه
حاجت الین آچوبدی دیر سائلم على
.
بیر آبرودی عمده نظر بیرده عافیت
بیرده شفاعت امرینه چوخ مایلم على
.
یوخ سوز که شایگان جلی اولدی قافیه
عفو ائله فنّ شعریده من جاهلم على
.
#راه_شام_فغانی_تبریزی
#اکبریه_شهادت
#گلزار_غمده_محو_جمال_گلم_على
#ترکی
.
✍️ #زبدةالاشعار ✍️
.
🆔: @nohe_torki
نظر دهید