زبدةالاشعار

گلشندی عزا بزمی شقایق قره پرچم #ورود_محرم_تقایی_اردبیلی

قره پرچم
.
.
.
مرحوم تقائی اردبیلی
.
.
گلشندی عزا بزمی شقایق قره پرچم
گون گوندی ایدور جلب علایق قره پرچم
.
.
ای دردی اولان چیخ داخی محنت بوجاقندان
نیت ایله کچمه قره بیرق قاباقندان
سال یاده علم صاحبنی اوپ ساچاقندان
ایتسون سنی آمالووه فایق قره پرچم
.
.
ظاهرده عزا مجلسینه آرم جهت دی
باطنده ولی منبع مجد و عظمت دی
احبابه گوزل سایه سی خیر و برکت دی
دشمنلره سوزنده صواعق قره پرچم
.
.
بیر علتی وار کعبه نون استاری قرادی
لب تشنه حسینه او مکان بزم عزادی
یاس صاحبی بو تعزیه ده ذات خدادی
اوز بیتینه ویرمیش اودی خالق قره پرچم
.
.
الوان بزه گی اهل تماشا بگنوبدی
اما قره بیر رنگیدی دنیا بگنوبدی
بو رنگی حسین یاسینه زهرا بگنوبدی
اوّلدن اولوب باب سلایق قره پرچم

متن پیشنهادی:  الف اول ثنای خالق بی مثل و بی همتا #حیدریه_دلریش

.
من بیر ایتیدیم هی سورونوب دوزلاقا گلدیم
خودرو خسدیم گل بوداغندا باغا گلدیم
آتدم الیمی قانه باتان قونداقا گلدیم
اولدی منیچون حُسن سوابق قره پرچم
.
.
هر دولته وار رایت مخصوص و علامت
زهرایه قرا پرچم اولوب رایت دولت
قاره علمه حقه گورا کیم قویا حرمت
قبرینده وویرار شمس مشارق قره پرچم
.
.
ذبح اولدی حسین باشی سر داره وریلدی
اخلالگر آدی شه ابراره وریلدی
هر ایل تزه لندی ، در و دیواره وریلدی
ایتدی بو قدر کشف حقایق قره پرچم
.
.
بو محفل عرفاندا دعا ایله منیله
شش گوشه مزاره گدسن انجمنیله
اوز چگنیمه آلام بیر علم منده سنیله
ایلر بیزیلن طی طرایق قره پرچم

متن پیشنهادی:  ای فرات اوسته آخان قوللارینون القانی #اربعین_دلخون

.
هر کیم اولا دوز شیفته و عاشق مولا
پیراهن یوسفدن اونی کیم بیله حاشا
یعقوب گوزی اولدی او کوینکله مداوا
پس درده اولار دکتر حاذق قره پرچم
.
.
ایتدی بو گدانی نمک شاه شهیدان
بی تاج و کله مملکت شعریده سلطان
وار حقی «تقائی» توکه قانیاش ایده افغان
گورسه نقدر سبز سرادق قره پرچم
.
.
.
#ورود_محرم #قره_پرچم
#گلشندی_عزا_بزمی_شقایق_قره_پرچم
#تقایی_اردبیلی
#ترکی
#زبدةالاشعار

متن پیشنهادی:  آه ای گل ناز من سوز من سازمن #حضرت_رقیه_ساعد_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی