زبدةالاشعار

گلشن باغ جناندور گوشه زندان منه #کاظمیه_شبخیز

زبانحال حضرت امام کاظم (ع)
.
✍️ #زبدةالاشعار ✍️
.
🆔: @nohe_torki
.
مرحوم #شبخیز
.
گلشن باغ جناندور گوشه زندان منه
چون ایدور هر دم تجلی جلوه جانان منه
.
خلوت بزم لقادور هوش جان باشدان چیخور
حلقه زنجیر کینه لاله و ریحان منه
.
سینه سینادی ایلر نور حق هر دم ظهور
رشگ ایدر بو شوکتیمدن موسی عمران منه
.
عاشقم ایتمم گلایه یوز ویره یوز مین بلا
من او بیمارم که تنها درد دور درمان منه
.
هر بلایه جان و دلدن سجده شکر ایلرم
فضل جاناندور ایدوب درد و بلا احسان منه
.
جام صهبای وفادن ایله مستم یوخ غمیم
کاسه کاسه قان ایچیردور ساقی دوران منه
.
لطف جانان شامل حالیمدی بو غمخانه ده
هر چتین بیر درد و محنت وار گلور آسان منه
.
وصل جانان آختاران جاندان چوخ آسان ال چکر
مین اولومدن چوخ چتین دور بو غم هجران منه
.
من سلیل مرتضایم اگمرم باش ذلته
بو ودیعت ارثدور احسان ایدوب یزدان منه
.
طوق عزتدور بو بوینومدا نه زنجیر جفا
بزم الفت دور بو یر نه خلوت زندان منه
.
من کرم درگاهیم علت اودور هارون دون
گوندریر هر لحظه مین جور و جفا مهمان منه
.
امر ظاهرده منه مامور اولوب سندی ولی
باطنا روح الامین دور حاجب و دربان منه
.
من خلیل الله عشقم گر اشاره ایلسم
آتش نمرود اولار باغ گل و بستان منه
.
عاشقم فرق ایلمز غربت دی یا ملک وطن
عشق جانان دور نه جان بو عرصه ده میزان منه
.
شایقم تسلیم ایدم غربتده جان جانانیمه
قسمت اولدی شکر اولا بو دولت شایان منه
.
عالم و آدم بیلور باب الحوائج منصبین
رحمتیندن ایلیوب احسان حق منان منه
.
وار یری شب خیز ائدم گر انفس و آفاقه فخر
شکرلله ایلیوب بو طبعی حق احسان منه
.
#کاظمیه_شهادت
#گلشن_باغ_جناندور_گوشه_زندان_منه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  تاپدی یثربده تولّد نور وحدت مجتبا #حسنیه_شعاع_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی