ابدّیت گولی …
.
✍️ زبدة الاشعار ✍️
.
🆔: @nohe_torki
.
#سدید_هریسی
.
گلشن عمری خزانیله سولان فاطمه دیر
گل کیمی آزیاشائیب پرپراولان فاطمه دیر
.
.
فاطمه سانما فقط باغ رسالت گلی دیر
یاگلستان نبوت ده امامت گلی دیر
وصفیده آزدی دئسم دین ودیانت گلی دیر
یاکی گلزارشهادتده شهادت گلی دیر
آزدی حتی اولاعنوان ابدیت گلی دیر
یاکی صحرای قیامتده قیامت گلی دیر
بوخانم خلقته علت سائیلان فاطمه دیر
شهرتی عالمه عزت سائیلان فاطمه دیر
.
.
فاطمه سانما فقط یئراؤزؤنون سروری دیر
یاسماواتیله ارضین قمرانوری دیر
دین شعاعینده کی منظومه لرین محوری دیر
ائوینین درگهی اون بیرگؤنشین خاوری دیر
شیعه نین ده بودلیله باشینین افسری دیر
کی علینین نه فقط همسری،همسنگری دیر
بوخانم مکتب حق مشقین آلان فاطمه دیر
غاصب حقدن اؤزی حقین آلان فاطمه دیر
.
.
گؤرنئجه لطف ائله ئیب خالق یکتا خانیما
چونکی خلق ایله مه ئیب کیمسه نی همتاخانیما
عالم ذر ده وئریب رتبهٔ والا خانیما
ملکوت اهلی اولوب واله وشیدا خانیما
چاتمائیب مرتبه ده مریم وسارا خانیما
بنزه ئیب تکجه فقط زینب کبری خانیما
چون اونون مظهرایثاری اینان فاطمه دیر
کی گؤرن سؤیله ئیب احسن بوهمان فاطمه دیر
.
.
بوخانم عالم امکان داشرف مظهری دیر
آدی گؤیلرده ملائک دیلینین ازبری دیر
دنیانین عصمت وتقواده ملک منظری دیر
چون اونون حجب وحیاوشرفی زیوری دیر
پردهٔ کعبه دن اولا خانیمین معجری دیر
تکجه بوحسنلراولگوسی الان فاطمه دیر
عالمین مظهرناموسی اولان فاطمه دیر
.
.
دین اسلام نه عامل لریله کامل اولوب
شیعه نین وجههٔ والاسینه کیم عامل اولوب
کیم چکیب رنج ومشقت کی ولاحاصل اولوب
سورهٔ کوثره علت ندی تا نازل اولوب
بیر بئله رتبهٔ شایان کیمه گؤرنازیل اولوب
اوخانم کی بومقام وشرفه نائل اولوب
شرف وشوکته معنایارادان فاطمه دیر
مذهبه وجههٔ والایارادان فاطمه دیر
.
.
وحی اولوب آیه لولاک اگرطاهایه
کیم لری علت خلقت تانی ئیربوآیه
کیمی خالق بویوروب خلقتینه پیرایه
کیم چاتیب دنیادابومرتبهٔ والایه
گؤه نیرعیسوی گرمریم یا سارایه
بیزده فخرایله ئیریک فاطمهٔ زهرایه
نیسگیل امابوجفادن یورولان فاطمه دیر
خصم بی غیرت الیله ورولان فاطمه دیر
.
.
هدف حمله اولوب مسکن ومأواسی اگر
ائوینین هتک اولونوب حرمت والاسی اگر
دشمنه قارشی دوروب اولمادی پرواسی اگر
سولدی سیلی دن اونون گل کیمی سیماسی اگر
ضرب وشتمیله اونون سیندی قابیرقاسی اگر
اولمادی کیمسه دن امداده تمناسی اگر
بوهمان محنت عظماده قالان فاطمه دیر
اوج عزت ده توفاقی داغیلان فاطمه دیر
.
.
ای بقیع قدرینی بیل فخرجهاندیربو خانم
عالمین پیکرینه روح رواندیربوخانم
نبض اسلامی دؤیؤندورمگه قاندی بوخانم
شیعنین قلبینه چیرپینتی دی جاندی بوخانم
آغاران ساچلارینا باخما جواندیربوخانم
بؤکؤلن قامتین اینجیتمه آماندی بوخانم
درودیوارآراسیندا سیخیلان فاطمه دیر
ائوی ظلمیله سدیدا یئخیلان فاطمه دیر
.
.
#فاطمیه_شهادت #فاطمیه_مدح
#گلشن_عمری_خزانیله_سولان_فاطمه_دیر
#ترکی
.
✍️ #زبدةالاشعار ✍️
.
🆔: @nohe_torki
نظر دهید