زبدةالاشعار

گلشن پیغمبرین بیر بلبل خوشخوانیم #حضرت_رقیه_میرزاحسین_عصری

زبانحال حضرت رقیه (س) در خرابه شام

.
✍️ #زبدةالاشعار ✍️
.
🆔: @nohe_torki
.
حاج میرزا حسین عصری
.
گلشن پیغمبرین بیر بلبل خوشخوانیم
اصغر آدلی بیر سولان غنچه گلون نالانیم
.
.
کربلا دشتینده زهرا گلشنی اولدی خزان
گلریندن دویمادی حسرتله ئولدی باغبان
غارته گیتدی گلستانیم داغلدی آشیان
پر شکسته قوش کیمی صحرالرین حیرانیم
.
.
ایلمیشدیم بسکه عادت اکبر آدلی بیر گله
جان دیردی هر زمان شوریله گلسیدیم دیله
دوشدوم آردینجه اونون گلدیم بو ویران منزله
حسرت دیدارنین چوللرده سرگردانیم
.
.
شاخۀ طوبی ده من جه جه وراردیم نازیله
باشیمه سایه سالاردی هر زمان اعزازیله
یاتمشام توپراقلارین اوستنده سوز و سازیله
شمع تک پروانه سیز اوز حالیمون سوزانیم
.
.
بیر عزیز مصریدیم من دخت سلطان حجاز
باش قویان وقته ایدردیم بالش دیبایه ناز
ایمدی یوخ بیر همدمیم دیواره قیلّام کشف راز
چونکه یوخدور بیر کسیم ناکسلرین مهمانیم
.
.
بو خرابه منزلین آدین دیولّه شهر شام
بو خرابه یرده اولموش گوندوزوم بیر تیره شام
قورتولور نه بو اسارت نه اولور عمریم تمام
وار نه تقصیریم که بو ویرانه ده زندانیم
.
.
ویرمشم بو ورطه ده بنیانیمی سیل غمه
غرق اولوب رخسار زردیم سیل اشک ماتمه
بیرجه بو یرده گلور یارب گمانیم عمَّمه
تا ئولنجه عمه مین الطافنون قربانیم
.
.
وار یارالی جسمیمین بسمل کیمی تاب وتبی
اوج ایدر صبحه کیمی فریاد یارب یاربی
منده چوخ اینجیتمیشم یوللاردا عمّم زینبی
اولمشام شرمنده نیلوم غملرین عنوانیم
.
.
نصف شبلر هر زمان آلّام بابامدان بیر خبر
گه آلار آغوشینه سویلر بابان ایلوب سفر
دوندرور گاهی یوزین دیواره گوز یاشین سیلر
من بو پنهان ماجرانین بی سر و سامانیم
.
.
ایلرم حسرت گیجه گوندوز من زار و حزین
ئولمییدیم بیر چخیدیم خجلتیندن عمّه مین
لیک حالیمدن عیاندور قالمارام ئولّم یقین
مرغ روحه تنگ اولوب محبس وجوداً فانیم
.
.
بیرده گر گلسه بابام گورسم جمال پاکنی
سیلسه زلفمدن یوزومدن بو خرابه خاکنی
بیر آلوردی من غریبین خاطر غمناکینی
یوخسا بلمور غربت ائوده ناخوش هجرانیم
.
.
سولدوروبدی آفت محنت عذار زردیمی
یوخ آلان دلدن نوای گرم و آه سردیمی
بیر عموم عبّاس گلسیدی بولردی دردیمی
من او ماه هاشمون بیر کوکب رخشانیم
.
.
ای صبا دوشسه گذارون کربلایه هر زمان
قیل حضورینده رقیّه حالینی شرح و بیان
عرضض قیل ای گلشن آل رسوله باغبان
هارداسان گل گور نجه باد ستم خندانیم
.
.
ای امیر کاروان غم مه ملک حجاز
من دئمم گل گور منی بول حالیمی قیل سرفراز
زحمت اولسا گلمه امّا یاده سال بیر نامه یاز
هجریده یاندیم شراب وصلوین عطشانیم
.
.
«عصریم» بو آستانین شهرۀ آفاقیم
محرمان بزم انسه خوش سخن بیر ساقیم
بیر بو دنیاده رقیه قبرینین مشتاقیم
بولمورم عشاق ایچینده عاقلم دیوانیم
.
.
#حضرت_رقیه_میرزاحسین_عصری
#حضرت_رقیه_شهادت
#گلشن_پیغمبرین_بیر_بلبل_خوشخوانیم
#ترکی

متن پیشنهادی:  امشب رخت علاقه از عالم برچیده علی #حیدریه_بابک_اردبیلی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی