گلموشم من قاپووا عفووه مهمان ایده سن #مناجات #اکبر_پورآقا

رمضانیه
.
✍️ #زبدةالاشعار ✍️
.
🆔: @nohe_torki
.
اکبر پور آقا
.
گلموشم من قاپووا عفووه مهمان ایده سن
فیض عامونده منه رحمت شایان ایده سن
مستحق عبدووه یارب گنه احسان ایده سن
بیر طبیبانه باخیب دردیمه درمان ایده سن
بویوروبسان در رحمت قاپوسین باز ایدرم
گلسه گر عبد خطاکار اونی پیشواز ایدرم
.
.
مرحمت ایلدون آلله منه، عصیان ایلدیم
چوخ کرامت ایلدون من سنه طغیان ایلدیم
نعمت ارزان ایلدون من اونی کفران ایلدیم
نعمت افزون ایلدون کفر دو چندان ایلدیم
گل منی شامل عفو ایله خدایا بو گجه
عبدووه نازل ایله رزق و عطایا بو گجه
.
.
بار عامونده منی فیضووه دعوت ایلدون
نائل مرحمت و فیض ضیافت ایلدون
بو خطاکاریله سن یاخچی رفاقت ایلدون
بی لیاقت کسی دارای لیاقت ایلدون
هر سحر جلوه لنور شور ضیافت باشیما
کربلا یادی سالور شور زیارت باشیما
.
.
کربلاده دولانان گونلر عجب گونلریدی
نوح سنّیندن اونون بیر نفسی برتریدی
میزبان حرم و خانه علی اکبریدی
سینۀ شاهیده مظلوم یاتان اصغریدی
آلتی گوشه حرمی مسکن و سامانیمدی
آقامون پاک آدی جانانیله ایمانیمدی
.
.
#رمضانیه
#گلموشم_من_قاپووا_عفووه_مهمان_ایده_سن
#ترکی
.
✍️ #زبدةالاشعار ✍️
.
🆔: @nohe_torki