اربعین
.
✍️ #زبدةالاشعار ✍️
.
🆔: @nohe_torki
.
علومی تبریزی
.
گلون گلون گینه فصل خزانیدن دانشاخ
گلی خزانه گیدن باغبانیدن دانشاخ
.
یواش یواش سوز آچاخ باشلیاخ گچنلردن
یارالی نوحه دیاخ نوحه خوانیدن دانشاخ
.
بو آلتی گوشه لی قبری گلون آرایه آلاخ
یاتان بو یرده امام زمانیدن دانشاخ
.
سالاخ یارالارینا اشگ چشمیله مرهم
سوسوز باتوب قانا آب روانیدن دانشاخ
.
سالاخ خیاله نجه کسدیلر سوسوز باشنی
یتنده اللرینه ساربانیدن دانشاخ
.
اوجادان آغلامیون قانلو کوینگی بیر آچوم
باخاق او کوینگه ظلم سنانیدن دانشاخ
.
جوان اوغول ئولومی لیلنون بوکوب بیلنی
بالاسی اکبر او تازه جوانیدن دانشاخ
.
ایاق طرفده دورون باشینا هامو یغشاق
شریک اولاخ اونا روح روانیدن دانشاخ
.
سالاخ خیاله علینون گوزل دانشماقنى
هلالی قاشدان او نطق بیانیدن دانشاخ
.
شبیه احمد مختاریدی گلنده آدی
گرک پیمبر عرش آستانیدن دانشاخ
.
بو گلستانیده بیر غنچه گل خزان اولدی
بیر آزدا اصغر شیرین زبانیدن دانشاخ
.
آناسی شیونیله گاهواره سین گتوروب
گلاخ فغانه او غنچه دهانیدن دانشاخ
.
گلون فرات سویی ایچمیاخ گلایه ائداخ
باخاق فراته او تیر و کمانیدن دانشاخ
.
طویی عزایه دونن قاسمه دوتاخ ماتم
مدار عالم نامهربانیدن دانشاخ
.
زمانه قویمادی کامه او نوجوان یتسون
حنا یرینه الینده او قانیدن دانشاخ
.
دورون ایاقه گیداخ مرقد علمداره
کمند ظلمه دوشن قهرمانیدن دانشاخ
.
آناسی یوخدی بو صحراده نسگلی چوخدی
دویونجا آغلیاخ او جانستانیدن دانشاخ
.
دیاخ خرابه ده اولدی او خردا قز سیراب
ایداخ شکایت اونا ریسمانیدن دانشاخ
.
گلون بیر آزدا گیداخ خیمه لر یانان سمته
ستمله غارت اولان دودمانیدن دانشاخ
.
بیر آزدا صحبت ایداخ اون بیر محرمدن
بر آزدا شامه گیدن کاروانیدن دانشاخ
.
نجه بو چولده گلوب بسته طناب اولدوخ
گلون عداوت شمر و سنانیدن دانشاخ
.
بیز آغلادوخ اولار اما شمادت ایله دیلر
دیار کوفه ده رنج گرانیدن دانشاخ
.
سالوب نجه بیزی زندانه ابن مرجانه
او حبس خانه ده کی داستانیدن دانشاخ
.
بیر آز سالاخ نظره یولّارون مصیبتنی
بیر آزدا شامده کی خیزرانیدن دانشاخ
.
.
بو زینبوندی گلوب ناله و فغان گتوروب
گیدوب گزوب دولانوب غملی داستان گتوروب
.
گیدنده قزلاریوی شامه باغریقان آپاروب
گلنده کوینگوی مایۀ فغان گتوروب
.
یارالی کوفه و شامین مصیبتین دیماقا
مزارون اوسته باجون نچّه نوحه خوان گتوروب
.
عمامۀ علی اکبر الینده لیلانین
بو اربعین حسین الده ارمغان گتوروب
.
دوروب فرات کنارینده شوریله کلثوم
الینده قانلو علم واردو باغریقان گتوروب
.
.
.
#اربعین_علومی_تبریزی
#گلون_گلون_گینه_فصل_خزانیدن_دانشاخ
#ترکی
.
✍️ #زبدةالاشعار ✍️
.
🆔: @nohe_torki
نظر دهید