گل آل دیز اوسته باشیمی وقت هجراندی #فاطمیه_مصیبی_تبریزی

زبانحال حضرت زهرا(س) به مولا علی(ع) دروانفسای فراق
..
..
#سبک_ممد_نبودی_ببینی (واگیر: آه و واویلا … )
#سبک_بزم_عزاده_گیمیشم
#سبک_ای_دلبر_آزادگان
..
..
#مصیبی_تبریزی
..
.
گل آل دیز اوسته باشیمی
وقت هجراندی
باخما یارالی سینه مه
قانه غلطاندی
..
عم اوغلی – آغلاما
سینه می – داغلاما
..
..
..
ای بزم عترتده ، یانان
شمعه پروانه
ایللر بویی پابند اولان
عهد و پیمانه
مندن صورا وُر زینبین
زلفینه شانه
قویما قیزیم آغلار قالا
غملی دوراندی
..
..
..
حسرتله سندن آیریلور
دلبر ِ طاها
دوندرمه قانه گوز یاشون
آغلاما مولا
بوندان صوراهرصبح وشب
سسلمه زهرا
زینب ائشیتسه جان وئرر
باغری چون قاندی
..
..
..
قانه بویانمیش سینه دن
جوش ائدر غملر
گوزدن آخان قان یاشلارا
موج ائدر یم لر
آزقالدی آیریلسون بو دم
غملی همدم لر
آیریلماقیندان یاعلی
قلبیم اودلاندی
..
..
..
حکم قضا تدبیریمی
ثبت ائدوب بیله
گوزدن آخان قان یاشلارین
بَنزوری سیله
آخر نفسلرده منی
گل حلال ایله
پروانه لر شمع غمه
اوددوتوب یاندی
..
..
..
اولدون بو دوقوّزایلده سن
غملر آماجی
گستردین امّا دهریده
راه مِنهاجی
سن سن عم اوغلی تاابد
باشیمون تاجی
حکم ولایت سنده دی
گرچه دوغراندی
.
.
.
توپراقلار آلتیندا منی
نصف شب گیزلت
فاش اولسا قبریم نیلیر؟
بی حیا امت
قویمازلا یاتسین فاطمه
قبریده راحت
باش وُرگیلن هردم منه
دل پریشاندی
..
..
..
تاپشوردیم اللهه سنی
من خداحافظ
مولا حلال ایله منی
من خداحافظ
دورسسله گلسون فضّه نی
من خداحافظ
ایستیردوشه ایش مشکله
وقت هجراندی
..
..
..
#فاطمیه_شهادت #فاطمیه #مصیبی_تبریزی
#گل_آل_دیز_اوسته_باشیمی
#ترکی
#زبدةالاشعار