زبانحال حضرت زینب (س) در وداع برادر
.
✍️ #زبدةالاشعار ✍️
.
🆔: @nohe_torki
.
علیرضا حضرتی
.
گل آنا یا فاطمه نور دو عینون گئدور
زینبی گؤزدن آتوب بی کس حسینون گئدور
.
.
گؤرنه چتین لحظه دی مقتله یولداش گئدور
باجی باخور تلّیدن ئولمگه قارداش گئدور
بونگران باغریقان،گؤر او نه بشّاش گئدور
گل آنا یا فاطمه نور دو عینون گیدور
.
.
وار یئری زینب قانا دؤندره گر گؤزیاشین
من کیمی، کیم یوللیوب قتلگهه یولداشین
هانسی باجی تاب ائدر ئولدوره لر قارداشین
گل آنا یا فاطمه نور دو عینون گئدور
.
.
گؤرنه چتین لحظه دی قویمادی منده دؤزوم
جاندی حسین جسمیمه ال نئجه جاندان اوزوم
دای او قرا گؤزلره بیرده ساتاشماز گؤزوم
گل آنا یا فاطمه نور دو عینون گئدور
.
.
دار فنادن دویوب شاه شهیدان حسین
عزم ائلیوب خصمیلن جنگ ائده الان حسین
طاقتی یوخ جسمیده خسته دی عطشان حسین
گل آنا یا فاطمه نور دو عینون گئدور
.
.
مست وفادی حسین ذکر لب عطشان دئیور
عرصه ده شمشیرلر گور نئجه قان قان دئیور
خیمه ده لب تشنه لر گئتمه حسین جان دئیور
گل آنا یا فاطمه نور دو عینون گئدور
.
.
گل آنا گؤر اوغلوین یار و مددکاری یوخ
اکبر و قاسم ئولوب بیرجه هواداری یوخ
قانه ابوالفضل باتوب شانلی علمداری یوخ
گل آنا یا فاطمه نور دو عینون گئدور
.
.
باشدا الیم ایندیدن خوشدورحسین وای دئیوم
قارداشیمی یوللویوب آه و فغان ایلیوم
چؤل دولی دشمن آنا آغلامیوم نیلیوم
گل آنا یا فاطمه نور دو عینون گئدور
.
.
گل آنا بو زینبین حالینه آغلا اؤزون
اؤز الویلن قرا باشینه باغلا اؤزون
گئیدیر حسینه کفن سینوی داغلا اؤزون
گل آنا یا فاطمه نور دو عینون گئدور
.
.
زینب زارین اولوب عمریده یولداشی غم
سولموش عذاره یایوب گؤزلریمون یاشی غم
سن کی بیلورسن آنا قارداشیما عاشقم
گل آنا یا فاطمه نور دو عینون گئدور
.
.
کاش آنا هئچ بلبلون طرفه گلی سولماسین
قارداش عزاسینده کاش هئچ باجی باش یولماسین
یوللاماقا ئولمگه قارداشی هئچ اولماسین
گل آنا یا فاطمه نور دو عینون گئدور
.
.
#وداع_حضرتی_ناعمی
#حسینیه_وداع
#گل_آنا_یا_فاطمه_نور_دو_عینون_گئدور
#ترکی
.
✍️ #زبدةالاشعار ✍️
.
🆔: @nohe_torki
نظر دهید