شهادت حضرت امام رضا(ع)
#گریز به #قتلگاه
.
✍️ زبدة الاشعار ✍️
.
🆔: @nohe_torki
.
مرحوم عاصی تبریزی
.
گل اوغول طوسه یتوب موسم هجران ئولورم
منده جدّیم کیمی غربتده وئروب جان ئولورم
.
.
منی مسموم ائلدی ظلمیله مأمون دنی
وطنه ایلدی حسرت بو ستم پیشه منی
گل بو حالیمده باشیم اوسته گوروم بیرجه سنی
سنی گورسم اولی جان وئرماقیم آسان ئولورم
.
.
قید محنتله بو ظالم منی محبوس ایلدی
روز و شب نالۀ جانکاهیله مأنوس ایلدی
عاقبت اؤز وطنیمدن منی مأیوس ایلدی
غم فرقتده اوغول باغریم اولوب قان ئولورم
.
.
لبلریم ایله بو زهرین اثریندن یانوری
گوئیا بیر یانار اودّا بدنیم اودلانوری
پاره پاره اولوب آخر جگریم دوغرانوری
گل بو وقتیمده منیم حالیمه باخ یان ئولورم
.
.
من کیمی اولمادی بیر کس بو جهان ایچره غریب
قوم و قارداشدان اوزاق محنت و اندوه قریب
دردیمه یوخ یته نیم واردی نه بیر یار و حبیب
کیمه آخر ائدیم اؤز دردیمی اعلان ئولورم
.
.
دونرم صاق صولا تک گورّم اوغول اؤز اؤزیمی
یوخدی معصومه گلوب باغلاسون آخر گوزیمی
گل اوغول جان وئرورم قبلیه دؤندر یوزیمی
باشیم اوستونده تلاوت ائله قرآن ئولورم
.
.
بس که بو زهر جفاده ای اوغول واردور اثر
لبلریم سهلدور آخر دوتوب اود یاندی جگر
وئرورم جان اؤزیوی تئز یتور ای نور بصر
گنج غربتده نئجه گور منی نالان ئولورم
.
.
انتظارم سنه آخر نقدر وار نفسیم
بئله وقتیمده سنی گورماقا چوخدور هوسیم
دئماقا دردیمی یوخدور ای اوغول بیرجه کسیم
گر چه مقصودیم اولوب محضر جانان ئولورم
.
.
یادیمه دوشدی منیم کرب و بلاده شه دین
غیظله دوره سین آلموشدی اونون لشگر کین
یاره ووردوقجا دیدری شه محزون و حزین
بو قدر وورمیون ای لشگر عدوان ئولورم
.
.
دئمورم رحم ائدون ای قوم ، من عالی نسَبَم
جان زهرا دگولم ، بیله بولوم بیر عرَبَم
بیر ایچیم سو وئرون اوچ گوندی بو گون تشنه لبم
صاحب آب فراتم ولی عطشان ئولورم
.
.
ظلمیله دوغرادوز ای لشگر کین اکبریمی
اوخلادوز اللریم اوستونده علی اصغریمی
کمگیم قالمادی ئولدوردوز هامی یاوریمی
یوخدی بحر غمه بیر ساحل و پایان ئولورم
.
.
قانه دوندرمسوز ای قوم بو گون گوز یاشیمی
آلمسوز الدن ابوالفضل کیمی قارداشیمی
منه بیر شربه وئرون سو کسون آخر باشیمی
گورمسوز منده اولوب قانیمه غلطان ئولورم
.
.
«عاصیا» گوز یاشیوی ایله بو ماتمده سبیل
سال اوزون سن بو جگر گوشۀ زهرایه دخیل
بو سوزی ذکر قیل آغلا تاپاسان اجر جزیل
گل اوغول طوسه یتوب موسم هجران ئولورم
.
.
.
#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و …
.
.
.
#رضویه_شهادت
#گل_اوغول_طوسه_یتوب_موسم_هجران_ئولورم
#عاصی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید