یا مهدی
.
.
✍️ #زبدةالاشعار ✍️
.
🆔: @nohe_torki
.
#سبک_علی_مولای_درویشان
مشابه
.
مرحوم اعظمی تبریزی
.
گل ای جانلار سنه قربان
ولیّ الله ولیّ الله
قالوب بی دادرس قرآن
ولیّ الله ولیّ الله
.
.
.
همیشه حق شعاروندی
انیسون ذوالفقاروندی
بو گوزلر انتظاروندی
گل الده تیغ خون افشان
ولیّ الله ولیّ الله
.
.
.
نجه گون گوزده تار اولسون
قوی ابر مه کنار اولسون
جمالون آشکار اولسون
ایشیقلانسون جهان هر آن
ولیّ الله ولیّ الله
.
.
.
گل ای آلامیدن دلگیر
اوزون بو خلقه قیل تدبیر
اله آل قبضۀ شمشیر
حُساموندن توکولسون قان
ولیّ الله ولیّ الله
.
.
.
هانی امر ظهور اولسون
جهان بزم سرور اولسون
بهائی بابی کور اولسون
گورونسون وار مهِ تابان
ولیّ الله ولیّ الله
.
.
.
دانولّا حکم قرآنی
گل ای اسلام سلطانی
قورولسون عدل دیوانی
حکومت ایلسون قرآن
ولیّ الله ولیّ الله
.
.
.
گرک اولسونلا شاد اسلام
اولا دیللرده یاد اسلام
گله سس زنده باد اسلام
بو سس خلقی قویا حیران
ولیّ الله ولیّ الله
.
.
.
یتن یوخ داده مهدی جان
یتش امداده مهدی جان
بو گون دنیاده مهدی جان
که سن سن دینه پشتیبان
ولیّ الله ولیّ الله
.
.
.
گل ای اسراردن آگاه
وئر اعلان یا ولی الله
بُله تا ظالم و گمراه
که وار ظالم ایچون دیوان
ولیّ الله ولیّ الله
.
.
.
گلن ای خاطری درده
چکوللر مطلبه پرده
حسین قانی قالوب یرده
او آغلار گوزلره قربان
ولیّ الله ولیّ الله
.
.
.
بیزه ایمدی گمان سنسن
که سلطان زمان سنسن
حسین قانین آلان سن سن
ووران ناحقلره بطلان
ولیّ الله ولیّ الله
.
.
.
اولوبدور اعظمی مایل
اولا لطفون اونا شامل
گلوب درگاهیوه سائل
عنایتله ایله احسان
ولیّ الله ولیّ الله
.
.
.
.
#مهدیه_اعظمی_تبریزی
#گل_ای_جانلار_سنه_قربان
#ترکی
.
✍️ #زبدةالاشعار ✍️
.
🆔: @nohe_torki
نظر دهید