توسل به حضرت ولی عصر(عج)
گریز به دفن حضرت زهرا(س)
.
.
رضوی زنجانی
.
.
گل ای جهان خلقته عصاره یابن فاطمه
چیخ ابریدن مثال گون کناره یابن فاطمه
جمالین آشکار ایله دوباره یابن فاطمه
گونیله آی گئجه گونوز دؤنَلّه باشیوه سنون
بو شیعه لر فدا ایکی هلالی قاشیوه سنون
.
.
گوزتلور اهل دل یولون مصلح فرخنده سیَر
قلّه ی حقّه گل ئوزون ؤور آقا پرچم ظفر
دشمن دینون جانینا سال داخی عالمده شرر
قوی آقا تیغ تیزیوی گردن کفر هرزیه
صدای تکبیریوله سال اهل ظلمی لرزیه
.
.
تا گوره دشمن على سن کیمی رهبر واریمیز
صلابت و وقاریده حیدره بنزر واریمیز
دهریده عباس کیمین غیرته مظهر واریمیز
صبح سعادتین داخی نویدی سنسن آقا جان
حسین حسین دینلرین امیدی سنسن آقا جان
.
.
یرده دی جدّوین قانی یعنی آلنمیوب هله
گل اهل ظلمین ایچره سال دست حقیله ولوله
شیعه لرون جهانیده مرادی تا گلسون اله
جدّیوه آغلیانلارون ایله نظاره اشکینه
گور عموون کیم اوخ وروب کرب و بلاده مشکینه
.
.
گل آقا بو جهانیده نشان ویر آشنا یولون
بقیعه اوّل داخی سال ای حجّت خدا یولون
یقینیدور گوزتلیور که خیرة النّسا یولون
او مخفی قبری تاپ ئوزون سوروش یارالی مادری
گور نیه دویدی جانه تئز پیمبرین دل ازبری
.
.
پیمبرین گُلی ندن مدینه ده تئز سارالوب
فدک قباله سین و یا فاطمه دن گور کیم آلوب
قاپی دالیندا ئوز آنان هانسی گناه اوسته قالوب
گور آقا کیم فاطمه نین دهریده قلبین قان ایدوب
أم الأئمه اینجیوب قبر ائوینه جوان گیدوب
.
.
ندن توکولدولر او گون خانه ی شاه محشره
ندن ؤروبلار اود آقا باب رسول داوره
سینه ی فاطمه ندن اولدی هدف میخ دره
پرپر اولوبدی غنچه سی زمانه ده گل آچمادی
یومدی گوزون گوز آچمادی دانشمادی دل آچمادی
.
.
بیلمیورم گوردی نلر صحن سراده فاطمه
فضّه نی یا عم اوغلوسون سسلدی داده فاطمه
گل کیمی پژمرده دوشوب قالدی اراده فاطمه
زینب مظلومه او دم سسلدی ای وای آنا جان
گوز یاشی توکدی غصّه دن ایتدی حسن حسین فغان
.
.
نه چکدی بیلمورم ولی دست جفای خاریدن
جدّه ی سادات جهان اینجیدی روزگاریدن
چوخ آغلادی مدینه ده دویمادی آہ و زاریدن
خلاصه ی سوز بودی ای عزا دوتان قوناقلاری
آز قالوری یتیم اولا فاطمه نین اوشاقلاری
.
.
رنگی سارالدی گل کیمی صفاسی باغ جنّتین
مخاطب ایتدی بیر گونی غرض گل امامتین
اتاقی خلوت ایلیوب قیلدی خانم وصیتین
دیوبدی غصّه دن اورک دونوبدی قانه یاعلى
که قونمیور قوشوم منیم بئله جهانه یاعلى
.
.
دیمدی واردی ظلمیله سینمده یاره یاعلى
دیمدی فاطمه او گون دوشوب فشاره یاعلى
دیدی که فاطمه ئولور یوخ الده چاره یاعلى
گئجیله غسل ویر منه مدینه اهلی بیلمسون
او غاصبان حقّیمیز قبریمین اوسته گلمسون
.
.
دیمدی سیندی شهپریم بو لانه دن یورولموشام
قولوما قمچیلر سالان نشانه دن یورولموشام
دیدی که درد و غصّه ی زمانه دن یورولموشام
گئجیله خسته جسمیمی یتور ئوزون قبر ائوینه
بو غمده حاکم اول آقا سعی ایله سن صبر ائوینه
.
.
فاطمیه روح و روان پادشه ملک جلال
بحر غمیمده دهریده اولما داخی غرق ملال
اولسا رضایتین اگر فاطمه نی ایله حلال
یتیم اولور اوشاقلاریم من نولورم عم اوغلی جان
حسین و زینبین غمی قلبیمی ایلیوبدی قان
.
.
بابام خبر ویروب منه حسینیمون ملالینی
بیر عدّه نابکار اونون بویار قانا جمالینی
اسیر ایدلّه ظلمیله قیزلارینی، عیالینی
درخت دین و عزّته جهاندا قان ویرر بالام
بلا چولونده تشنه لب یارالی جان ویرر بالام
.
.
او چولده چون حسینیمن کمکلری باتار قانا
ستاره گان هاشمی دوشر عم اوغلی یان یانا
حسینیمین یارالارى بدنده گلمییر سانا
حسین غیمندن هی دیوب دانشدی بعضی سوزلرین
قلب على قانه دونوب فاطمه یومدی گوزلرین
.
.
او یرده تسلیت دیسون حیدره بیر کس اولمادی
یازانمیرام جهان او گون او شاهه محبس اولمادی
چاقوردی هی فاطمه جان فاطمه دن سس اولمادی
یثربه سس دوشدی ولی آخدی او عصمت اولدوزی
گلون گیداق نمازینه ئولدی پیمبرین قیزی
.
.
یغشدی غاصبان حق باب ولیِ داوره
ظاهری تسلیت دیه وصیِ شاه محشره
خلیفه ده نماز ایده جنازه ی مطهره
شاه ولادن امر اولوب باب ولانی ترک ایدین
واردی بیر اؤزگه مسئله ائولریزه یعنی گیدین
.
.
اهل ریا حضورینه ویرون بو یرده خاتمه
قلب جهان بو غصّه دن گلوب ولی تلاطمه
یعنی که تأخیره دوشوب بویوردی دفن فاطمه
نیت تشییعه گلن اهل مدینه گیتدیلر
بیر عده کینیله گلوب اؤرکده کینه گیتدیلر
.
.
شمس حیا غروب ایدوب ناله ایدور دشت و دمن
مغسله حمل اولدی گئجه قابیرغاسی سینان بدن
تا ایده مرتضا ئوزی فاطمیه غسل و کفن
یرده دالیندا دایانوب حضرتین اصحابی او دم
چوخ یواش ایوای دیوری آغلاشور اؤل عدّه ی کم
.
.
سو توکور اسماء دل شب فاطمه نین پیکرینه
شیر خدا غسل ویرور ختم رسل کوثرینه
ناله ایدور یواش یواش آغلور على دلبرینه
گوردوله ناگهان او شه ایلدی چوخ آه و فغان
غسل دان ال چکدی آقا سسلدی وای فاطمه جان
.
.
بویوردی فاطمه سنی سینه ده یاره ئولدوروب
گل بدنین نشان اولوب ظلمیله خاره ئولدوروب
ضربه ی میخ در سالوب یعنی فشاره ئولدوروب
او بی جهت بهانه دن واردی نشانه فاطمه
قولوندا تازیانه دن واردی نشانه فاطمه
.
.
ویریلدی غسل فاطمه گییندی الغرض کفن
بویوردی چوخ ملالیله او شهریار ممتحن
وفالی زینبِینِ من حسین من و یا حسن
گر چه آتاز علی چتین حاکم اولوب صبر ائوینه
دیدینه ایلیون شتاب آناز گیدور قبر ائوینه
.
.
اول دم آنا وداعینه دورت بالا ایلدی شتاب
دوشندیلر جنازه یه دللری ایتدیلر کباب
پرپر اولان گل اوستونه جاری اولوب گلاب ناب
حسن دیردی وای آنا حسین دیردی جان آنا
قبره گیدن جوان آنا قامتی ای کمان آنا
.
.
حسن دیردی ای منیم باشیمدا تاج عزتیم
نجه دوزوم فراقیوه اؤرکده یوخدی طاقتیم
حسین دیردی وار آنا قاباقدا روز محنتیم
او کربلا چولونده من باتاندا قانه گل آنا
آماندی دوندی قامتیم او گون کمانه گل آنا
.
.
بو یرده زینبین سوزی کباب ایدور اورکلری
آناسین اوخشیان زمان پوزور دل ملکلری
دیردی سولدی غصه دن مدینه گل چیچک لری
بالالاریندان آیریلان زمانه ده ملالیله
مزاره گیتمین ولی جنازه سی جلالیله
.
.
بالالارون یانور آنا اؤر کده غم گدازه سی
کفن گین گلین ننه دلنده داغ تازه سی
گئجه زمانی ای گیدن مزاره گل جنازه سی
عدو الیندن اینجیوب وطنده گل کیمین سولان
مگر آدامسیزان آنا غریبه مثلی دفن اولان
.
.
جوانلقندا درد و غم گلوب سنون سراغیوه
نجه قرا چکیم آنا گلین گلن اتاقیوه
منم ائوین بویوک قیزی نجه دوزوم فراقیوه
دونوبدی قانه قلبیمیز اماندی گیتمه صبر ایله
غریق بحر محنت و فراقین ایتمه صبر ایله
.
.
#مهدیه #رضوی_زنجانی
#مهدیه_فاطمیه #فاطمیه_شهادت #فاطمیه_رضوی_زنجانی
#گل_ای_جهان_خلقته_عصاره_یابن_فاطمه
#ترکی
#زبدةالاشعار
نظر دهید