وداع امام حسین ( ع )
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
.
اکبر قنبری تیکمه داش
.
گل باجی آماده یم عزم ائیله یم میدانه من
تا بو گون ایفا ائدم اوز ائتدیگیم پیمانه من
سال یولا قارداشیوی
توکمه چوخ گوز یاشیوی
.
.
قتلگهده من بو گون قانیله آللام دستماز
اوخلار آلتیندا باجی عشقیله قیللام من نماز
ائیلرم گودالیده معبودیله راز و نیاز
شوقیله بذل ائیلرم بو جانیمی جانانه من
.
.
من بو صحراده باجی قانیله طوفان ائیلرم
مین نبی اللهی اول طوفانه حیران ائیلرم
قانیم ایله کربلا دشتین گولوستان ائیلرم
مایل دلدن اودور زینب باتام آل قانه من
.
.
ایندی جنتده باجی زهرا آنام یول گوزلویور
گه باخیر ساغ سمتینه گوز آلتی گه سول گوزلویور
شافع اولسون امته بیر جوت اوزون قول گوزلویور
ائیلیرم تعجیل آنام یول گوزلوین عنوانه من
.
.
من مسیحا تک ازلدن اولموشام دار عاشقی
شوق دیدار ائیلیب سرمست دلدار عاشقی
یاره فکرین ائتمیرم من اولموشام یار عاشقی
کوی وصلین وئرمرم مین روضه رضوانه من
.
.
من باجی جانانه خاطر باش و جاندان گئچمیشم
عشق سوداسیندا اکبر تک جواندان گئچمیشم
قارداشیم عباس تک شیر ژیاندان گئچمیشم
ائتمیشم سردار اسلامی فدا قرآنه من
.
.
من باجی ذر عالمینده آلمیشام الهام عشق
شوقیله نوش ائتمیشم من باده گلفام عشق
کعبه عشقه بو چولده باغلارام احرام عشق
حج عشقی بوردا اجرا ائیلرم فرزانه من
.
.
قانیمیله عشقه آرتیررام بو چولده آبرو
باغ دینین گوللرین من ائیلرم خوش رنک و بو
جانمازیم کربلا توپراقی دیر قانیم وضو
قان ایچینده ائیلرم سجده حق سبحانه من
.
.
من حسینم سالمیشام کون و مکانی حیرته
کعبه نی هم سرزمین کربلانی حیرته
بو بلا دشتینده ساللام من بلانی حیرته
نوح اگر طوفانه دوشدی عاشقم طوفانه من
.
.
حافظ اول مندن سورا بو دوتقون اولدوزلار سنین
قوی پناهیندا قالا بو خیرداجا قیزلار سنین
سرپرست اول بو اوغولسوزلار آدامسیزلار سنین
اولمایم تا ناگران باشسیز قالان طفلانه من
.
.
اول مواظب قیزلارین غمدن بولود تک دولماسین
گلشن آل عبانین گوللری تا سولماسین
سعی ائله مندن سورا زولفون رقیه م یولماسین
گوزله سین دیداره گللم منزل ویرانه من
.
.
آند اولا قرآندا زینب ثبت اولان مین بیر آدا
من یامان گونده بالا قیزلاریمی ساللام یادا
نئیلییم زینب باجی یوخدور وفا بو دنیادا
من خدا حافظ باجی عزم ائیلیرم میدانه من
.
.
( قنبری )انشاء ائدنده آل طاها نوحه سین
نئی کیمی ائیلر نوا دلدن اولار زار و حزین
زینبه آخر وداعینده بویوردی شاه دین
حقدن صبر ایستیرم سنده دل سوزانه من
.
.
#وداع_اکبر_قنبری #حسینیه_وداع
#گل_باجی_آماده_یم_عزم_ائیله_یم_میدانه_من
#ترکی
.
✍️ #زبدةالاشعار ✍️
.
🆔: @nohe_torki
نظر دهید