زبانحال حضرت زهرا (س)
.
✍️ #زبدةالاشعار ✍️
.
🆔: @nohe_torki
.
سبک : ای وئرن ویرانه یرده … عمه بو ویران سراده …
.
مرحوم عاصی تبریزی
.
گل باشیم اوستونده اگلش ایلمه تأخیر عم اوغلی
ایله بیر یاسین تلاوت، مصحفه تفسیر عم اوغلی
.
(جان عم اوغلی جان عم اوغلی
من سنه قربان عم اوغلی)
.
.
ببر نچه گوندور که ثانی سوندوروب زهرا چراغین
فاطمه ترک ایلیوبدور سیرینی گلزار و باغین
روز و شب آغلار گوزیله مرگمین آلدیم سراغین
ایندی بولم باشه یتمیش باشداکی تقدیر عم اوغلی
.
.
باشیمی بو صون نفسده بیرده لطفاً آل کناره
سیل گوزوم یاشین ولیکن باخما بو نیلی عذاره
اولماسون باعث ئولنجه سنده چشم اشگباره
من اوزوم رمزیله قیلام علتین تقریر عم اوغلی
.
.
امّت بی شرم او گونکه آچدیلار دست تعدی
اولمادی اولسون عم اوغلی جور و ظلمین حصر و حدی
جور قنفذ، ظلم ثانی اولدی هر ظلمین اشدی
بولدولر ماذون دگولسن چکماقا شمشیر عم اوغلی
.
.
ایستدی دریای صبرین تا که ائتسین غصّه تاراج
ایلدون ایله تحمل آلدون آخر صبریدن باج
ایلدیم منده او گوندن بو یانقلی قلبی آماج
هر کمان درد و غمدن قورتولوب بیر تیر عم اوغلی
.
.
بو تحمل گتدی از بس جرئته اهل جفانی
قویدولا بند رسنده تا ید مشگل گشانی
گوردولر باغلی طنابه پنجه شیر خدانی
اولدولار روبه صفتلر هر بیری بیر شیر عم اوغلی
.
.
ایتدیلر غصب خلافت، بوینووا شالون سالانلار
ساتدیلار دنیایه دینین، ملکومی الدن آلانلار
گل کیمی سولدی ایویمده اوچ گجه گون آج قالانلار
فاطمه باخدوقجا یاندی اولدی جاندان سیر عم اوغلی
.
.
گوردوم اطفالون سالوبدور بسکه آجلیق چوخ فشاره
ایستدیم اولسون عم اوغلی درد جوعه بلکه چاره
ملکیمی آلماقدان اؤتری سندن ائتدیم استشاره
خانۀ بوبکره چکدی رشتۀ تدبیر عم اوغلی
.
.
اوّلاً ائتدیم عم اوغلی بسکه اظهار تظلّم
ملکومی قایتاردی دلدن ایلدی دفع تألُّم
ملکومون فرمانین آلدی ائتمدی ثانی ترحُّم
ظلم تکمیلینده اصلاً قویمادی تقصیر عم اوغلی
.
.
باخمادی هرگز رواندور اشکیمین سیلی یوزومدن
آچدی ال چادر شب اوستن ووردی بیر سیلی یوزومدن
گئتمیوب آخر او سیلی ایلین نیلی یوزومدن
گور ایاق ظلمی بغشلوب منده نه تأثیر عم اوغلی
.
.
دینمدیم صبر ایلدیم من یتدی هر گونه مصائب
درد غم بیر مدت اولدی حالیمه آخر مراقب
گوندوزی آه سحرگه اولدی منله هم مصاحب
هر دل شبده انیسیم نالۀ شبگیر عم اوغلی
.
.
شعلۀ آهیم عم اوغلی یاندروب افلاکی یاخدی
درد الیندن گوز یاشیم تک، خوندل رخساره آخدی
داغ بر دل اولدی لاله، قلبیمون داغینه باخدی
ساخلادی لاله دلیمدن دلده بیر تصویر عم اوغلی
.
.
سربدوش اولماق بنفشه گوردی مندن مشقین آلدی
هر قیزیل گل گلستاندا رنگیمی گوردی سارالدی
قالدی بلبللر نوادن تا منیم نالم اوجالدی
بیرده گورمز بیر جوان گل باغبان پیر عم اوغلی
.
.
ساخلادی زنبق بو نیلی صورتیمدن بیر نشانه
گوردی غنچه باغریمی قان، پرده پرده دولدی قانه
سرو سیریندن دایاندی باخدی من قدی کمانه
یتدی شمشاد و صنوبر حالینه تغییر عم اوغلی
.
.
قلبیمون بولسه ملالین بیرده آچماز گل چمنده
زلفومی گورسه آغارموش، بیتمز هیچ سنبل چمنده
سمعنه یتسه سیزیلدیم لال اولار بلبل چمنده
بیرده اولماز گلدن اوتری خاره دامنگیر عم اوغلی
.
.
خجلتیندن گون سارالدی رنگیمی گوردی پریده
آی دونوب غمدن هلاله قدیمی گوردی خمیده
هر گیجه اولدوز ساننجا مندن آخدی اشگ دیده
صفحه صورتده ایتدیم قدرینی تحریر عم اوغلی
.
.
باشه وئردیم من عم اوغلی محنت دار فنانی
جانشین قویدوم یریمده زینب بخت نورانی
ایندیدن قیلام مجسم وقعه کرب و بلانی
گوئیا گورم که اولموش بسته زنجیر عم اوغلی
.
.
شمر الیندن گر حسینیم ایچمسه جام شهادت
گورمه سه بازوی زینب بند و زنجیر اسارت
مصطفا آدی دیولمز محو اولار دین و شریعت
کفر شهرینده اوجالماز کلمۀ تکبیر عم اوغلی
.
.
سن عم اوغلی اولما راضی قلب #عاصی غمله دولسون
صرصر ظلمیله آخر عمرینون گلزاری سولسون
طایر بی آشیان تک بالِنی صیاد یولسون
احتیاج ایتسون شغال و کرکسه نخجیر عم اوغلی
.
.
.
#سبک_ای_ویرن_ویرانه_یرده
مشابه ⬇️⬇️
.
.
#فاطمیه_شهادت
#گل_باشیم_اوستونده_اگلش_ایلمه_تأخیر_عم_اوغلی
#عاصی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید