زبدةالاشعار

گل حسینون گیدور الدن اونی گور آغلا باجی #وداع_یحیوی_اردبیلی

وداع امام حسین (ع)
.
.
.
#سبک_یارالی_جان_یارالی … 4 سبک
.
.
مرحوم یحیوی اردبیلی
.
گل حسینون گئدور الدن اونی گور آغلا باجی
ممکن اولسا باشیمون یاره سینی باغلا باجی
.
.
حالدن باخبر اول من گئدورم بیر سفره
گلمگیم یوخدی باجی بیرده منیم خیمه لره
آیریلوق عالمینون مدّتینی آل نظره
گل حسینون گئدوور الدن اونی گور آغلا باجی
.
.
مشکل امره باجی بو چولده گرفتار اولدون
من غریبون غم و اندوهینه غمخوار اولدون
بیر بؤلوک خوردا اوشاقلاره پرستار اولدون
گل حسینون گئدور الدن اونی گور آغلا باجی
.
.
سنی دعوت ائدورم صبر و شکیبایه طرف
قارداشون گئتمه لیدور عالم عقبایه طرف
دئ سؤزون وار گئدورم حضرت زهرایه طرف
گل حسینون گئدور الدن اونی گور آغلا باجی
.
.
چاغور اهل حرمی تا باخوم حسرت گوزیلن
دیندیروم نازلی بالالاریمی شیرین سؤزیلن
آغلیون سیزده منى یاندیرون اوز نالوزیلن
گل حسینون گئدور الدن اونی گور آغلا باجی
.
.
چاغور اطفالیمی بیر بیر اولاری رؤیت ائدوم
تا دویونجا او بالا قزلاریلان صحبت ائدوم
ال چکوم بأشلارینا آگه کیفیت ائدوم
گل حسینون گئدور الدن اونی گور آغلا باجی
.
.
گئدورم سرعتیلن محضر پیغمبره من
تشنه ام تکیه ائدم مشربه ی کوثره من
وئرمیشم وعده باجی اوغلوم على أکبره من
گل حسینون گئدور الدن اونی گور آغلا باجی
.
.
نه روا اکبر و عباس ئوله من زنده قالام
گوزلیور باغ جناندا منی لب تشنه بالام
گئدورم اصغریمی عدنیده آغوشه آلام
گل حسینون گئدور الدن اونی گور آغلا باجی
.
.
من قورتارام بو بلادن ولی سن غمزده سن
سنده لازمدی باجی کوفه و شامه گئده سن
دین اسلامی دئییب، خطبه لر احیا ائده سن
گل حسینون گئدور الدن اونی گور آغلا باجی
.
.
عهد نامه مده بودور نقشه ی نقاش قضا
ئولم انصاریم اوزوم سیز گوره سوز رنج و بلا
حاصل عهد و عمل منده دی فرمان جزا
گل حسینون گئدور الدن اونی گور آغلا باجی
.
.
ووردی مسّاح قضا صفحۀ تقدیره قلم
دوشدیلر دام بلایه بیلورم اهل حرم
ایندی جنّتده آچوب قارداشیم عبّاس علم
گل حسینون گئدور الدن اونی گور آغلا باجی
.
.
#وداع #یحیوی_اردبیلی
#حسینیه_وداع
#گل_حسینون_گئدور_الدن_اونی_گور_آغلا_باجی
#ترکی
#زبدةالاشعار

متن پیشنهادی:  مگو که هستم و منّت بر وجودم من - #حسینیه_شاهی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی