وداع حضرت علی اکبر (ع)
.
.
#سبک_یارالی_جان_یارالی ( 4 سبک در یک فایل )
.
.
مرحوم صراف تبریزی
.
گل حلال ایله منی، عازم میدانم آنا
بیر دقیقه سنه بو خیمه ده مهمانم آنا
.
چون وئروب سَرور لب تشنه منه اذن جهاد
ائلیوب خاطر ناشادیمی بیر حرفیله شاد
قالمیوب حسرتیم عالمده بودور عین مراد
خاک پایوندا فدای ره جانانم آنا
.
گلشن جسمیم اولوب بارش پیکانه سوسوز
جد و جهدیم بودور ایندی بویانام قانه سوسوز
ایچرم سو، گئدرم مجلس جانانه سوسوز
چونکه من تشنه‌لب چشمۀ حیوانم آنا
.
بولورم ئولدوره جک لر منی اقراریم وار
هر کمین گاهیده مین قاتل خونخواریم وار
بسکه ابروی نگاریله سر و کاریم وار
مایل تیغ کج خنجر برّانم آنا
.
اولموشام روز ازلده آنا، چون مایل دوست
باتارام ایندی قزیل قانه، برای دل دوست
سر و سامانیم اولوب سلسلۀ کاکل دوست
دئمه بو سلسله ده بی‌سر و سامانم آنا
.
باغلانوب سو یولی صد شکر آچیخدور ره عشق
کربلا دشتی اولوب محضر شاهنشه عشق
کشتۀ عشقیله مملؤدی قُربانگه عشق
قوی گئدوم من ده وئروم جان، سنه قربانم آنا
.
بو قدر آغلاما قربان اولوم آغلار گؤزوه
قانلی گؤز یاشینی بو نوعیله تؤکمه یوزوه
آناجان، صبر ائله، وئر بیرجه تسلّی اؤزوه
گؤره سن اوندا کیم اؤز قانیمه غلطانم آنا
.
دوتا هر کیمسه علی اکبره عالمده عزا
شه لب تشنه وئرور اجرین اونون روز جزا
یاز دوباره بو سؤزی دفتر «صرّافه»، رضا
گل حلال ائیله منی، عازم میدانم آنا
.
.
.
#اکبریه_شهادت #اکبریه
#گل_حلال_ایله_منی_عازم_میدانم_آنا
#صراف_تبریزی
#ترکی
#زبدةالاشعار
نظر دهید